હરિયાણા વિધાનસભા ચૂંટણી 2024માં ભાજપને મોટી જીત મળી છે, પરંતુ સીએમ નાયબ સિંહ સૈનીના 10માંથી 8 મંત્રીઓ અને સ્પીકર ચૂંટણી હારી ગયા છે, માત્ર બે મંત્રીઓ જીતી શક્યા છે. જે આઠ મંત્રીઓ હાર્યા છે તે આ મુજબ છે-

જ્ઞાનચંદ ગુપ્તા (સ્પીકર)- પંચકુલા

સુભાષ સુધા- થાનેસર

સંજય સિંહ- નૂહ

અસીમ ગોયલ- અંબાલા શહેર

કમલ ગુપ્તા- હિસાર

કંવર પાલ- જગધરી

જેપી દલાલ- લોહારુ

અભે સિંહ યાદવ- નાંગલ ચૌધરી

રણજીત સિંહ ચૌટાલા - રાંનિયા(નિર્દલીય)

હરિયાણામાં સત્તા વિરોધી લહેર હોવાના દાવા છતાં ભાજપ ત્રીજી વખત સરકાર બનાવવા જઈ રહી છે  પરંતુ આઠ મંત્રીઓની હારને ભાજપ માટે મોટો ફટકો માનવામાં આવી રહ્યો છે. તેમાં રાંનિયા બેઠક પરથી અપક્ષ ઉમેદવાર રણજીતસિંહ ચૌટાલાનો સમાવેશ થાય છે, જેમની ટિકિટ ભાજપે રદ કરી હતી. આ પછી તેમણે ભાજપમાંથી રાજીનામું આપી દીધું અને અપક્ષ તરીકે ચૂંટણી લડી. જો કે તેમનું રાજીનામું સ્વીકારવામાં આવ્યું ન હતું. આ સીટ પર INLDના અર્જુન ચૌટાલાએ જીત મેળવી છે. ભાજપે લોકસભા ચૂંટણીમાં હિસારથી રણજીત સિંહ ચૌટાલાને ટિકિટ આપી હતી પરંતુ અહીં પણ તેમને હારનો સામનો કરવો પડ્યો હતો.

સીએમ નાયબ સૈનીના આ મંત્રીઓની થઈ હાર

વિધાનસભાના સ્પીકર જ્ઞાનચંદ ગુપ્તાને પણ પંચકુલા સીટ પર કોંગ્રેસના ચંદર મોહનએ હરાવ્યા હતા. આ ઉપરાંત થાનેસરમાં ભાજપના સુભાષ સુધાને કોંગ્રેસના અશોક અરોરાએ ત્રણ હજારથી વધુ મતોના અંતરથી પરાજય આપ્યો હતો.

નૂહમાં ભાજપના સંજય સિંહ ત્રીજા ક્રમે રહ્યા હતા. કોંગ્રેસના આફતાબ અહેમદે INLDના ઉમેદવાર તાહિર હુસૈનને 46 હજારથી વધુ મતોના અંતરથી હરાવીને આ બેઠક જીતી છે. સીએમ સૈનીના કેબિનેટ મંત્રી અને બીજેપી નેતા અસીમ ગોયલ પણ અંબાલા સિટી સીટ પરથી હારી ગયા. કોંગ્રેસના નિર્મલ સિંહ મોહરાએ તેમને 11,131 મતોથી હરાવ્યા હતા.

ભાજપે હિસાર-લોહારુ અને નાંગલ ચૌધરી બેઠક પણ ગુમાવી

હિસારમાં બીજેપીના ડો.કમલ ગુપ્તા ત્રીજા ક્રમે આવતા હારી ગયા. અહીંથી અપક્ષ ઉમેદવાર સાવિત્રી જિંદાલે કોંગ્રેસના રામ નિવાસ રારાને હરાવીને મોટી જીત મેળવી છે. આ સિવાય જગધરી બેઠક પર ભાજપના ઉમેદવાર કંવર પાલ કોંગ્રેસના અકરમ ખાન સામે હારી ગયા હતા.

લોહારુમાં જયપ્રકાશ દલાલને કોંગ્રેસના ઉમેદવાર રાજબીર ફરતીયાએ માત્ર 792 મતોથી હરાવ્યા હતા. તે જ સમયે નાંગલ ચૌધરી બેઠક પરથી ભાજપના અભય સિંહ યાદવને કોંગ્રેસની મંજુ ચૌધરીએ હાર આપી છે.

આ બે મંત્રીઓ જીત્યા

વિજેતા મંત્રીઓમાં પાણીપત ગ્રામીણ બેઠક પરથી રાજ્ય મંત્રી મહિપાલ ધંડા અને બલ્લભગઢ બેઠક પરથી કેબિનેટ મંત્રી મૂળચંદ શર્માનો સમાવેશ થાય છે.