શહેરના સાધુવાસવાણી રોડ પર રહેતા નેપાળી યુવકે નશાની હાલતમાં પોતાના હાથે જ ગળામાં છરી હુલાવતાં લોહી લુહાણ હાલતમાં સિવિલ હોસ્પિટલમાં ખસેડવામાં આવ્યો હતો.

પ્રાપ્ત વિગત મુજબ સાધુ વાસવાણી રોડ પર પેટ્રોલ પંપ નજીક ભાડેથી રહેતા રામબહાદુર ચંદ્રશીવ નેપાળી (ઉ.વ.૪૫) નામના યુવાને આજે વહેલી સવારે ચારેક વાગ્‍યે પોતાના હાથે ગળા પર છરીથી ઇજા કરી હતી. છરી ફેરવતી વખતે પત્નીનું ધ્યાન પડી જતા દેકારો કરતા અન્ય લોકો પણ દોડી આવ્યા હતા અને લોહી લુહાણ હાલતમા સિવિલ હોસ્પિટલએ ખસેડવામાં આવ્યા હતા. બનાવ અંગે હોસ્પિટલ ચોકીના સ્ટાફે યુનિવર્સીટી પોલીસને જાણ કરી હતી. રામબહાદુર મૂળ નેપાળનો વતની છે અને હોટેલમાં નોકરી કરે છે. સંતાનમાં ચાર પુત્રી અને એક પુત્ર છે. દારૂની ટેવ હોવાથી નશાની હાલતમાં પોતાના ગળે છરી મારી લીધાનું તેના સગાએ જણાવ્યું હતું.પોલીસે વધુ તપાસ હાથ ધરી છે.