વાણિજ્ય સચિવ લુટનિકે વધુમાં કહ્યું હતું કે સ્માર્ટફોન, કમ્પ્યુટર, સોલાર સેલ, ફ્લેટ-પેનલ ટીવી જેવી ઘણી ઇલેક્ટ્રોનિક વસ્તુઓને હાલ માટે ટેરિફમાંથી બહાર રાખવામાં આવી છે, પરંતુ આ બધી પ્રોડક્ટ્સ આગામી 1-2 મહિનામાં સેમિકન્ડક્ટર ટેક્સના દાયરામાં આવશે." તેમણે કહ્યું કે અમેરિકા હવે ચિપ્સ, ફ્લેટ પેનલ્સ અને સેમિકન્ડક્ટર જેવી આ આવશ્યક વસ્તુઓનું ઉત્પાદન પોતાના દેશમાં જ કરવા માંગે છે. લેટનિકે ભાર મૂક્યો કે આપણે સંપૂર્ણપણે દક્ષિણ પૂર્વ એશિયા પર નિર્ભર રહી શકીએ નહીં.લેટનિકે એ પણ સ્પષ્ટ કર્યું કે આ એવો મુદ્દો નથી કે જેને અન્ય દેશો સાથે વાટાઘાટો કરીને ઉકેલી શકાય. આ અંગે તેમણે કહ્યું કે આ ઉત્પાદનો હવે 'રાષ્ટ્રીય સુરક્ષા' હેઠળ આવે છે. મતલબ કે, આ હવે ફક્ત અમેરિકામાં જ બનવા જોઈએ. તેમને ટેરિફમાંથી કાયમ માટે મુક્તિ આપી શકાતી નથી.

ટ્રમ્પ વહીવટીતંત્રની રણનીતિ

રાષ્ટ્રપતિ ડોનાલ્ડ ટ્રમ્પ અને તેમની ટીમ ઇચ્છે છે કે અમેરિકામાં ફરીથી ફેક્ટરીઓ સ્થપાય, ખાસ કરીને દવાઓ અને ટેકનોલોજી સંબંધિત ફેક્ટરીઓ. આ માટે, આયાત પર કર લાદીને, કંપનીઓને ઉત્પાદન અમેરિકા પાછું લાવવાની ફરજ પાડવામાં આવી રહી છે.યુએસ કસ્ટમ્સ એજન્સીએ એક નોટિસ જારી કરીને જણાવ્યું હતું કે સ્માર્ટફોન, કમ્પ્યુટર, સોલાર સેલ, ટીવી ડિસ્પ્લે અને સ્ટોરેજ ડિવાઇસ જેવી વસ્તુઓ હાલમાં ટેરિફમાંથી મુક્ત છે. પરંતુ હવે એ સ્પષ્ટ થઈ ગયું છે કે આ મુક્તિ કામચલાઉ છે અને આગામી મહિનાઓમાં આ કર ફરીથી લાગુ થઈ શકે છે.

'મુક્ત વેપાર નહી,સુરક્ષિત વેપાર'નો યુગ શરુ

અમેરિકામાં, ટેરિફ નીતિ હવે સીધી રાષ્ટ્રીય સુરક્ષા સાથે જોડાયેલી છે. આ ભારત જેવા દેશો માટે એક સંકેત છે કે વૈશ્વિક વેપારમાં 'મુક્ત વેપાર' પર 'સુરક્ષિત વેપાર'નો યુગ હવે જીતવા જઈ રહ્યો છે.