આજે આપણે બધા વ્યસ્ત જીવનનો એક ભાગ બની ગયા છીએ. જેના કારણે આપણને આપણા સ્વાસ્થ્યનું ધ્યાન રાખવા માટે પણ ઓછો સમય મળે છે. મોટાભાગના લોકો ઘર, પરિવાર અને ઓફિસમાં ઘણી બધી જવાબદારીઓ નિભાવતા હોય છે. જેના કારણે ઘણી બધી બાબતોને ભૂલી જવા લાગે છે. જો તમે પણ ક્યારેક મગજમાં તણાવ અનુભવો છો, તો તમારા શરીરની સાથે તમારા મનની પણ કસરત કરવી જરૂરી છે.

આપણને ગમતું કામ કરવાથી દિલથી સારું લાગે છે. જો વર્કઆઉટ અથવા કોઈપણ પ્રકારની રમત તમારો શોખ છે. તો તમે દરેક રીતે ફિટ રહેશો. તે જ સમયે કેટલાક શોખ એવા છે જે IQ લેવલને વધારે છે અને મનને તેજ બનાવે છે. ચાલો તેમના વિશે જાણીએ.

5 શોખ જે IQ વધારે છે

નૃત્યઃ

નૃત્ય એ એક પ્રકારનું વર્કઆઉટ છે, જે આપણા મનની સાથે સાથે શરીરને પણ ફિટ રાખે છે. નૃત્ય ડિપ્રેશન અને ચિંતાને દૂર કરવામાં મદદ કરે છે અને IQ સ્તર વધારવામાં તે મદદ કરે છે.

નવી ભાષા શીખવીઃ

જો તમારે તમારું મગજ તેજ રાખવું હોય તો મગજની પ્રવૃત્તિઓ કરતા રહેવું જોઈએ. જેમ કે તમે નવી ભાષા શીખી શકો છો. આ સિવાય ક્રોસવર્ડ, મેમરી, પ્રોબ્લેમ સોલ્વિંગ, રિઝનિંગ, પ્લાનિંગ અને એક્ઝિક્યુશન જેવી એક્ટિવિટીઝ પણ આઈક્યુને તેજ કરે છે.

સંગીત વગાડવું :

તબલા, હાર્મોનિયમ, વાંસળી, પિયાનો, ઢોલક, ગિટાર અથવા કોઈપણ સંગીતનાં વાદ્યોની શૈલી શીખવાથી મનમાં સર્જનાત્મકતા વધે છે. મેમરી અને વિશ્લેષણાત્મક કૌશલ્યો સુધરે છે, જે IQ સ્તર વધારવામાં મદદ કરે છે. તે મગજની બંને બાજુના ભાગોનો ઉપયોગ કરે છે જેના કારણે મગજનો એક ભાગ કોર્પસ કેલોસમ ખૂબ જ સક્રિય રહે છે અને આઈક્યુ વધારવામાં મદદ કરે છે.

ચેસ:

તે એક રમત છે જે વ્યૂહરચના બનાવવા પર ભાર મૂકે છે જેમાં વિચાર, સમજણ, મૂલ્યાંકન, તુલનાત્મક વિશ્લેષણ, સમસ્યા હલ કરવાની કુશળતા, તર્ક, આયોજન અને અમલીકરણનો ઊંડાણપૂર્વક અભ્યાસ સામેલ હોય છે. આ જટિલ રમતને શોખ બનાવવાથી IQ લેવલ ઝડપથી વધે છે.

કોઈપણ રમત:

ફૂટબોલ હોય કે બાસ્કેટબોલ તે આપણા આયોજન, વ્યૂહરચના, વિશ્લેષણાત્મક કૌશલ્યો વધારવામાં મદદ કરે છે. તણાવને ઘટાડે છે અને ધ્યાન વધારે છે. જે IQ સ્તરને વધારવામાં મદદ કરે છે. માનસિક સ્વાસ્થ્યની સાથે શારીરિક સ્વાસ્થ્ય માટે પણ તે ખૂબ જ જરૂરી છે.