ગુજરાત રાજય માર્ગ અને વાહન વ્યવહાર નિગમના રાજકોટ એસટી બસ પોર્ટ સહિત ડિવિઝનના નવ ડેપો ખાતેથી દિવાળી નિમિત્તે ફુલ ૧૦૦ એકસટ્રા બસ દોડાવવાનું આયોજન છે. ગઇકાલથી એકસ્ટ્રા બસ સેવા શ કરવામાં આવી હતી, ગઇકાલે પહેલા દિવસે ઓછો ટ્રાફિક રહ્યો હતો પરંતુ આજે સવારથી ધૂમ ટ્રાફિક નીકળતા બપોર સુધીમાં ૨૦ એકસટ્રા બસ દોડાવાઇ હતી.
વિશેષમાં રાજકોટ એસટી ડિવિઝનના વિભાગીય નિયામક જે.બી કલોતરા એ જણાવ્યું હતું કે આજે અમદાવાદ તેમજ વેરાવળ સહિતના ટ ઉપર એકસટ્રા બસ દોડાવવામાં આવી હતી. આગામી દિવસોમાં તમામ ફરવા લાયક સ્થળોના રૂટ તેમજ જે કોઈ ટ ઉપર મુસાફરોનો વધુ ટ્રાફિક જોવા મળે તે ટ ઉપર એકસટ્રા બસ મુકવાનું આયોજન છે. જોકે સૌથી વધુ ટ્રાફિક અમદાવાદ ટ ઉપર જોવા મળી રહ્યો છે. આમ છતાં અમદાવાદ ઉપરાંત વડોદરા, સુરત, જુનાગઢ,વેરાવળ સોમનાથ, જામનગર દ્રારકા, અમરેલી,ભુજ અને ભાવનગર સહિતના ટ ઉપર એકસટ્રા બસો મૂકવામાં આવશે. રાજકોટ ઉપરાંત ડિવિઝનના અન્ય તમામ નવ ડેપો જેમાં ગોંડલ મોરબી જસદણ વાંકાનેર ચોટીલા લીંબડી સુરેન્દ્રનગર અને ધ્રાંગધ્રા સહિતના ડેપોને પણ જરિયાત મુજબ એકસટ્રા બસોનું સંચાલન કરવા સૂચના આપવામાં આવી છે. અત્રે ઉલ્લેખનીય છે કે એકસટ્રા બસમાં ટિકિટ પણ રોજિંદા ટિકિટ દરની તુલનાએ કરતા પચીસ ટકા એકસટ્રા રહે છે.