ડેન્ગ્યુની રસી ટૂંક સમયમાં ભારતમાં બજારમાં ઉપલબ્ધ થઈ શકે છે. ઘણી કંપનીઓ મચ્છરના કરડવાથી થતા આ રોગને રોકવા માટે રસીના કિલનિકલ ટ્રાયલ માટે તૈયારી કરી રહી છે. ઉદાહરણ તરીકે, જાપાનની કંપની તકેડાએ ડેન્ગ્યુ સામે તેની રસીનું પરીક્ષણ કરવાની પ્રક્રિયા શ કરી છે. ઇન્ડિયન ઇમ્યુનોલોજિકલ (આઇઆઇએલ) પણ તેની રસીના બીજા તબક્કાના પરીક્ષણ માટે મંજૂરી મેળવવાની તૈયારી કરી રહ્યું છે.
જો બધું યોજના મુજબ ચાલે છે, તો વર્ષ ૨૦૨૬ સુધીમાં ડેન્ગ્યુને રોકવા માટેની રસી ભારતીય બજારમાં ઉપલબ્ધ થઈ શકે છે. ભારતમાં ડેન્ગ્યુ એક મોટી સ્વાસ્થ્ય સમસ્યા તરીકે ઉભરી આવ્યો છે. વર્ષ ૨૦૨૩ માં, આ રોગના ૨,૮૯,૨૩૫ કેસ નોંધાયા હતા અને ૪૮૫ લોકો મૃત્યુ પામ્યા હતા. નેશનલ સેન્ટર ફોર વેકટર બોર્ન ડિસીઝ કંટ્રોલ અનુસાર, એપ્રિલ ૨૦૨૪ સુધીમાં, ડેન્ગ્યુના ૧૯,૪૪૭ કેસ હતા, જેમાં ૧૯ લોકોના મોત થયા હતા. છેલ્લા કેટલાક વર્ષેામાં આ આંકડામાં વધારો થયો છે. વર્ષ ૨૦૧૯માં ડેન્ગ્યુના ૧,૫૭,૩૧૫ કેસ હતા, જે ૨૦૨૦માં ઘટા હતા, પરંતુ ત્યારથી તેના કેસ સતત વધી રહ્યા છે. આઇઆઇએલના મેનેજિંગ ડિરેકટર કે આનદં કુમારે જણાવ્યું કે તેઓએ તેમની રસીના ટ્રાયલનો પ્રથમ તબક્કો પૂર્ણ કરી લીધો છે. કુમારે કહ્યું, 'અમે ટૂંક સમયમાં બીજા તબક્કાના પરીક્ષણ માટે અરજી કરીશું. જો બધું બરાબર ચાલે છે, તો અમે આશા રાખીએ છીએ કે આ રસી વર્ષ ૨૦૨૬–૨૭માં અથવા તેની આસપાસ બજારમાં ઉપલબ્ધ થશે. પહેલા તબક્કામાં, રસી કેટલી સુરક્ષિત છે તે જાણવા માટે કેટલાક લોકો પર તેનું પરીક્ષણ કરવામાં આવે છે. બીજા અને ત્રીજા તબક્કામાં, રસીની અસરને સમજવા માટે પરીક્ષણ કરવામાં આવે છે. જાપાની ફાર્માસ્યુટિકલ કંપની તકેડાના પ્રવકતાએ જણાવ્યું હતું કે તેઓને તેમની રસીનું પરીક્ષણ કરવા માટે ભારતના આરોગ્ય નિયમનકાર પાસેથી પરવાનગી મળી છે. કંપનીના પ્રવકતાએ કહ્યું, 'સ્વાસ્થ્ય સત્તાવાળાઓ પાસેથી પરીક્ષણ માટે કોઈ ઓબ્જેકશન સર્ટિફિકેટ મળ્યું નથી. અમે સ્થાનિક નિયમો અને કાયદા અનુસાર પરીક્ષણ પ્રક્રિયા શ કરી છે. અમે શકય તેટલી વહેલી તકે પરીક્ષણ પૂર્ણ કરવાનો પ્રયાસ કરીશું અને તેના પરિણામો ભારતીય આરોગ્ય નિયમનકારને સબમિટ કરીશું. પ્રવકતાએ કહ્યું કે કંપની યોગ્ય નિયમનકારી મંજૂરી માટે આરોગ્ય નિયમનકારના સંપર્કમાં છે અને તમામ ઔપચારિકતાઓ પૂર્ણ થયા બાદ બજારમાં રસી લોન્ચ કરશે. કંપનીએ કહ્યું, 'અમે હાલમાં ભારતમાં રસી લોન્ચ કરવાની તૈયારી કરી રહ્યા છીએ અને ભારતીય આરોગ્ય નિયમનકાર તરફથી અમને મંજૂરી મળતા જ તે કરવામાં આવશે. એકવાર મંજૂર થયા પછી અમારી રસીની ઉપલબ્ધતા સુનિશ્ચિત કરવા માટે અમે આરોગ્ય નિયમનકાર સાથે નજીકથી કામ કરવા માટે પ્રતિબદ્ધ છીએ. આઇઆઇએલ રસી પરીક્ષણનો પ્રથમ તબક્કો સફળ રહ્યો છે અને કોઈ આડઅસર નોંધાઈ નથી. કંપની ટૂંક સમયમાં બીજા તબક્કાનું પરીક્ષણ શ કરવાની તૈયારી કરી રહી છે.