બેંગલુમાં ગેરકાયદે ખડકવામાં આવી રહેલી એક ઇમારત ભારે વરસાદમાં ધસી પડી હતી અને તેમાં અનેક મજુરો કામ કરી રહ્યા હતા, જેમાં ૫ મજુરના ગંભીર ઈજાના પગલે મોત નીપયા છે,જયારે રેસ્કયુ ટીમે ૧૩ લોકોને સુરક્ષિત રીતે બચાવી લીધા છે.જેમાંથી ૫ લોકોની હાલત હજુ ગંભીર ગણાવાઈ રહી છે.બેંગલુમાં મંગળવારે સાંજે ભારે વરસાદને કારણે ધરાશાયી થયેલી બહત્પમાળી ઈમારતના કાટમાળ નીચે ઘણા લોકો ફસાયા હતા.ભારે વરસાદના લીધે ઠેર ઠેર પાણી ભરાયા હોઈ બચાવ કાર્યમાં વિધ્ન આવી રહ્યા છે.
બેંગલુના બાબુસાપલ્યામાં ભારે વરસાદ વચ્ચે મંગળવારે નિર્માણાધીન ૭ માળની ઈમારત ધરાશાયી થઈ ગઈ હતી. અધિકારીઓએ જણાવ્યું હતું કે આ ઘટના એવા સમયે બની છે યારે શહેરમાં ભારે વરસાદ ચાલુ હતો . ઇમરજન્સી વિભાગના બે બચાવ વાહનો રાહત કાર્ય માટે તૈનાત કરવામાં આવ્યા છે. ભારે વરસાદ બાદ શહેરમાં અનેક જગ્યાએ પાણી ભરાઈ જતાં જનજીવન અસ્તવ્યસ્ત થઈ ગયું છે. બેંગલુના યેલાહંકામાં એક એપાર્ટમેન્ટ કોમ્પ્લેકસના રહેવાસીઓને ભારે પૂર પછી બોટનો ઉપયોગ કરીને બહાર કાઢવામાં આવ્યા છે. એનડીઆરએફ અને એસડીઆરએફ ટીમો મંગળવારે સાંજથી બચાવ કામગીરી કરી રહી છે.કર્ણાટકના નાયબ મુખ્ય પ્રધાન ડીકે શિવકુમારે અકસ્માત સ્થળની મુલાકાત લીધી અને કહ્યું કે બેંગલુમાં તમામ ગેરકાયદે બાંધકામો સામે કાર્યવાહી કરવામાં આવશે. તેમણે કહ્યું,મેં અધિકારીઓને શહેરમાં આવા બાંધકામોની ઓળખ કરવા અને તેને તાત્કાલિક બધં કરવાનો આદેશ આપ્યો છે. નોંધનીય છે કે નિર્માણાધીન આ બિલ્ડિંગની અંદર ફસાયેલા તમામ લોકો બાંધકામ મજૂર છે જેઓ બિલ્ડિંગની નીચે રહેતા હતા. આખા શહેરમાં પડેલા ભારે વરસાદને પણ પત્તાના પોટલાની જેમ મકાન ધરાશાયી થવાનું એક કારણ માનવામાં આવે છે. બેંગલુમાં ૧૮૬.૨ મીમી વરસાદ નોંધાયો હતો, જે છેલ્લા ૨૫ વર્ષમાં એક દિવસનો સૌથી વધુ વરસાદ હોવાનું કહેવાય છે