જમ્મુ અને કાશ્મીરના રાજાૈરી જિલ્લાના એક ઝૂંપડપટ્ટીમાં એક રહસ્યમય બીમારીના કારણે અત્યાર સુધીમાં ૧૭ લોકોના મોત થયા છે, જેના કારણે ગ્રામજનોમાં ભય ફેલાયો છે, યારે દિલ્હીમાં કેન્દ્રીય આરોગ્ય મંત્રાલયની આંતર–મંત્રી ટીમે તપાસ શ કરી છે. અસરગ્રસ્ત વિસ્તારોમાં પાણીમાં જંતુનાશકો મળી આવ્યા બાદ પોલીસે સીટની રચના કરી છે.
જમ્મુ અને કાશ્મીરના રાજાૈરી જિલ્લાના એક દૂરના ગામના રહેવાસીઓ એક 'રહસ્યમય રોગ'ની ચપેટમાં આવી ગયા છે. રવિવારે, મોહમ્મદ અસલમના છઠ્ઠા બાળકનું જમ્મુની એક હોસ્પિટલમાં આ બીમારીથી મૃત્યુ થયું. આ સાથે, ડિસેમ્બર ૨૦૨૪ થી મૃત્યુઆકં ૧૭ પર પહોંચી ગયો છે. દરમિયાન, દિલ્હીથી એક આંતર–મંત્રી ટીમ પરિસ્થિતિનો તાગ મેળવવા માટે રાજાૈરી પહોંચી ગઈ છે. તે સોમવારે સ્થળ પર પહોંચશે. અગાઉ, આ વિસ્તારના કૂવામાંથી કંઈક મળી આવ્યું હતું જેના કારણે તેને સીલ કરવામાં આવ્યું હતું.
શુક્રવાર સુધીમાં મોહમ્મદ અસલમના પાંચ બાળકો મૃત્યુ પામ્યા હતા. તેઓએ તેમની છઠ્ઠી અને છેલ્લી પુત્રી, યાસ્મિના અખ્તર જાન (૧૬) ને પણ ગુમાવી દીધી. ગયા રવિવારે તેમને રાજાૈરીની એક હોસ્પિટલમાં દાખલ કરવામાં આવ્યા હતા, યાંથી સોમવારે તેમને જમ્મુ રિફર કરવામાં આવ્યા હતા.
જમ્મુમાં સરકારી મેડિકલ કોલેજ અને એસોસિએટેડ હોસ્પિટલ્સના પ્રિન્સિપાલ ડો. આશુતોષ ગુાએ તેમના મૃત્યુની પુષ્ટ્રિ કરી અને મીડિયાને જણાવ્યું કે તેમની હાલત પહેલા દિવસથી જ ગંભીર હતી. આ સાથે, મોહમ્મદ અસલમે એક અઠવાડિયાના ગાળામાં ચાર પુત્રીઓ, બે પુત્રો અને તેના મામા અને મામી ગુમાવ્યા છે. ફઝલ હત્પસૈન અને રોબિયા કૌસર (બંને ૧૪), ફરહાના કૌસર (૯), રતાર (૫) અને ખસાર (૧૧) ની યાદમાં આયોજિત 'ફાતિહા' – એક સ્મારક સમારોહ – માં ખોરાક ખાધા પછી તે બધા બીમાર પડી ગયા. આ રહસ્યમય રોગથી પ્રભાવિત થયા બાદ, ૭ ડિસેમ્બરે સારવાર દરમિયાન તેમનું અવસાન થયું. અગાઉ, ડિસેમ્બર ૨૦૨૪ માં, બે પરિવારોમાં થયેલા મૃત્યુને કારણે હંગામો મચી ગયો હતો. કેન્દ્રીય આરોગ્ય મંત્રાલય હેઠળના આરોગ્ય સેવા નિયામક દ્રારા ભારતીય તબીબી સંશોધન પરિષદ સહિત અગ્રણી તબીબી સંસ્થાઓના નિષ્ણાતોની એક ટીમ મોકલી હતી.

અમિત શાહ અને ઓમર અબ્દુલ્લાએ સ્થિતિની સમીક્ષા કરી
શનિવારે, કેન્દ્રીય ગૃહમંત્રી અમિત શાહે રાજાૈરી જિલ્લાના એક ગામની મુલાકાત લેવા માટે આંતર–મંત્રી ઉચ્ચ–સ્તરીય ટીમની રચના કરવાનો આદેશ આપ્યો હતો. શુક્રવારે, જમ્મુ અને કાશ્મીરના મુખ્યમંત્રી ઓમર અબ્દુલ્લાએ જર્જરિત ગામની સ્થિતિની સમીક્ષા કરી. તેમણે રાયના આરોગ્ય વિભાગને તપાસ ઝડપી બનાવવાનો નિર્દેશ આપ્યો હતો.
પાણીના કેટલાક નમૂનાઓમાં ન્યુરોટોકિસન મળી આવ્યું
તપાસ દરમિયાન, આરોગ્ય ટીમોએ અસરગ્રસ્ત વિસ્તારના ૩,૦૦૦ થી વધુ રહેવાસીઓનો ઘરે ઘરે જઈને સર્વે કર્યેા, પાણી, ખોરાક અને અન્ય સામગ્રીના નમૂના એકત્રિત કર્યા અને તપાસ્યા. જોકે, ઈન્ફલ્યુએન્ઝા સહિત તમામ પરીક્ષણોના પરિણામો નકારાત્મક આવ્યા. નમૂનાઓમાં ન્યુરોટોકિસન મળી આવ્યા બાદ પોલીસે સામૂહિક મૃત્યુની તપાસ માટે એક વિશેષ તપાસ ટીમ ની રચના કરી છે.તેમજ અહીના લોકોનું સ્થળાંતર કરવામાં આવ્યું છે.