ગુજરાતમાં કોરોના વાયરસના કેસોમાં ચિંતાજનક ઉછાળો જોવા મળી રહ્યો છે. છેલ્લા 24 કલાકમાં રાજ્યમાં કોરોનાના 95 નવા કેસ નોંધાતા કુલ એક્ટિવ કેસની સંખ્યા 397 પર પહોંચી ગઈ છે. આ આંકડા આરોગ્ય તંત્ર માટે નવી ચિંતા ઉભી કરી રહ્યા છે.

મળતી માહિતી મુજબ નવા નોંધાયેલા કેસોમાંથી 375 દર્દીઓ હાલ હોમ આઈસોલેશનમાં છે, જ્યારે 22 દર્દીઓને હોસ્પિટલમાં દાખલ કરીને સારવાર આપવામાં આવી રહી છે. આ વધતા કેસોની સાથે રાજ્યમાં કોરોનાથી બે મૃત્યુ પણ નોંધાયા છે, જેમાં એક 47 વર્ષીય મહિલા અને એક 18 વર્ષીય ગર્ભવતી યુવતીનો સમાવેશ થાય છે, જે ખૂબ જ દુઃખદ ઘટના છે.

​​​​​​​રાજકોટ શહેરમાં પણ કોરોનાના કેસોમાં વધારો જોવા મળ્યો છે. આજે રાજકોટમાં કોરોનાના વધુ 7 કેસ નોંધાતા કુલ આંકડો 44 પર પહોંચ્યો છે. રાજકોટમાં હાલ 38 જેટલા દર્દીઓ હોમ આઈસોલેશનમાં સારવાર લઈ રહ્યા છે.

કોરોનાના વધતા પ્રકોપને ધ્યાનમાં રાખીને રાજ્ય સરકાર અને આરોગ્ય વિભાગ દ્વારા લોકોને સતર્ક રહેવા, માસ્ક પહેરવા, સામાજિક અંતર જાળવવા અને ભીડવાળી જગ્યાઓ ટાળવા માટે અપીલ કરવામાં આવી છે. હોસ્પિટલોને પણ સંભવિત પરિસ્થિતિનો સામનો કરવા માટે સજ્જ રહેવા સૂચનાઓ આપવામાં આવી છે.