રાજકોટ મહાનગરપાલિકાની સોલિડ વેસ્ટ મેનેજમેન્ટ શાખા દ્વારા શહેરની વિવિધ બજારોમાં પ્રતિબંધિત પ્લાસ્ટિકના ઝબલના વપરાશ અંગે ચેકિંગ ડ્રાઇવ હાથ ધરીને ૬૨ દુકાનોમાંથી ૨.૭૩ કિલો પ્રતિબંધિત પ્લાસ્ટિક જપ્ત કરી પ્લાસ્ટિક વેસ્ટ મેનેજમેન્ટ (એમેન્ડમેન્ટ) રૂલ્સ–૨૦૨૧ અન્વયે કુલ રૂ.૨૩,૫૦૦નો દંડ વસુલ કર્યો હતો.

વિશેષમાં મ્યુનિ.સૂત્રોએ જણાવ્યું હતું કે, સેન્ટ્રલ ઝોનના વિવિધ મુખ્ય માર્ગો ઉપર પ્રતિબંધિત પ્લાસ્ટીકનું વેચાણ કરતા ૨૬ પાસેથી ૧.૫૭ કિલો પ્રતિબંધિત પ્લાસ્ટીક જપ્ત કરી રૂ.૮૪૦૦નો દંડ વસુલ્યો હતો. વેસ્ટ ઝોનના વિવિધ મુખ્ય માર્ગો ઉપર પ્રતિબંધીત પ્લાસ્ટીકનું વેચાણ કરતા ૧૯ આસામીઓ પાસેથી ૦.૩૫ કિ.ગ્રા. પ્રતિબંધિત પ્લાસ્ટીક જપ્ત કરી રૂ.૧૦૮૫૦નો દંડ વસુલ્યો હતો. ઇસ્ટ ઝોનના વિવિધ મુખ્ય માર્ગો ઉપર ઝુંબેશરૂપે પ્રતિબંધીત પ્લાસ્ટીકનું વેચાણ કરતા ૧૭ આસામીઓ પાસેથી ૦.૮ કિ.ગ્રા.પ્રતિબંધિત પ્લાસ્ટીક જપ્ત કરી રૂ.૪,૨૫૦નો દંડ વસુલ્યો હતો.

ઉપરોક્ત કામગીરી મ્યુનિસિપલ કમિશનર તુષાર સુમેરાની સુચના અને નાયબ મ્યુનિસિપલ કમિશનરના માર્ગદર્શન હેઠળ ચીફ પર્યાવરણ પર્યાવરણ ઇજનેર પ્રજેશ સોલંકી તેમજ ત્રણેય ઝોનના નાયબ પર્યાવરણ ઇજનેરના સુપરવિઝનમાં આસી.૫ર્યાવરણ ઇજનેર, સેનીટેશન ઓફિસર હાજરીમાં સેનેટરી ઇન્‍સ્‍પેકટર તથા સેનેટરી સબ ઇન્‍સ્‍પેકટર દ્રારા કરવામાં આવી હતી.