વડાપ્રધાન નરેન્દ્ર મોદી આજથી બે દિવસ ગુજરાતની મુલાકાતે છે. સવારે વડોદરામાં પીએમ મોદીનો ભવ્ય રોડ શો યોજાયો હતો. આ રોડ શોમાં ઓપરેશન સિંદૂરની માહિતી દુનિયાને આપનાર કર્નલ સોફિયા કુરેશીનો પરિવાર હાજર રહ્યો હતો. પીએમ મોદી જેવા નજીક પહોંચ્યા ત્યારે સોફિયા કુરેશીના પરિવારે તેમના પર ગુલાબની પાંદડીનો વરસાદ કર્યો હતો. આ તકે સોફિયા કુરેશીનો પરિવાર ખુશખુશાલ જોવા મળ્યો હતો. 

ઓપરેશન સિંદૂરની સફળતા બાદ, વડાપ્રધાન નરેન્દ્ર મોદી આજે તેમના ગૃહ રાજ્ય ગુજરાતની બે દિવસની મુલાકાતે આવ્યા છે. આ બે દિવસમાં તેઓ 82 હજાર કરોડ રૂપિયાના વિકાસ કાર્યોનું ઉદ્ઘાટન કરશે. પીએમ પાંચ શહેરોમાં ચાર રોડ શો અને ત્રણ જાહેર સભાઓને સંબોધિત કરશે.વડોદરામાં પીએમ મોદીના રોડ શોમાં કર્નલ સોફિયા કુરેશીના પરિવારના સભ્યોએ પણ ભાગ લીધો હતો. કર્નલ સોફિયા કુરેશીની જોડિયા બહેન શાયના સુનસારાએ કહ્યું, ‘અમને પીએમ મોદીને મળીને આનંદ થયો.’ પીએમ મોદીએ મહિલા સશક્તિકરણ માટે ઘણું કર્યું છે. સોફિયા મારી જોડિયા બહેન છે. જ્યારે તમારી બહેન દેશ માટે કંઈક કરે છે, ત્યારે તે ફક્ત મને જ નહીં પરંતુ બીજાઓને પણ પ્રેરણા આપે છે. સોફીયા હવે ફક્ત મારી બહેન નથી, પણ ભારત દેશની બહેન પણ છે.

આજે વહેલી સવારે વડોદરા ખાતે તેમનું આગમન થયું હતું એરપોર્ટ થી શરૂ થયેલા શાનદાર રોડ શોમાં 25,000 થી વધુ મહિલાઓ જોડાય હતી.વડોદરામાં પીએમ મોદીના રોડ શોના માર્ગમાં બનાવેલા સ્ટેજ પર કર્નલ સોફિયા કુરેશીનો પરિવાર પણ જોવા મળયો હતો. આનો એક વીડિયો પણ સોશિયલ મીડિયા પર ઝડપથી વાયરલ થઈ રહ્યો છે.

​​​​​​​

પીએમ મોદીના રોડ શોમાં ભાગ લેનારા કર્નલ સોફિયાના મોહમ્મદ સંજય કુરેશી ભાઈએ મીડિયા સાથે વાત કરતા કહ્યું, ‘પીએમ મોદીનું અહીં આગમન એક અદ્ભુત ક્ષણ હતી.’ અમે તેમને પહેલી વાર જોઈ શક્યા. તેણે ઈશારાથી અમારું સ્વાગત કર્યું. મારી બહેનને આ તક આપવા બદલ હું આપણા સંરક્ષણ દળો અને ભારત સરકારનો આભાર માનું છું. એક સ્ત્રી જે સ્ત્રીઓએ આટલું બધું સહન કર્યું છે તેનો બદલો લઈ રહી છે, આનાથી સારું શું હોઈ શકે?’

કર્નલ સોફિયા કુરેશીની જોડિયા બહેન શાયના સુનસારાએ કહ્યું, ‘અમને પીએમ મોદીને મળીને આનંદ થયો.’ પીએમ મોદીએ મહિલા સશક્તિકરણ માટે ઘણું કર્યું છે. સોફિયા મારી જોડિયા બહેન છે. જ્યારે તમારી બહેન દેશ માટે કંઈક કરે છે, ત્યારે તે ફક્ત મને જ નહીં પરંતુ બીજાઓને પણ પ્રેરણા આપે છે. તે હવે ફક્ત મારી બહેન નથી, પણ દેશની બહેન પણ છે.