વિશેષમાં રાજકોટ જિલ્લા વહીવટી તંત્રના વર્તુળોમાંથી પ્રાપ્ત વિગતો મુજબ કોઇ પણ સંજોગોમાં ફૂડ પેકેટની જરૂરિયાત ઉપસ્થિત થાય તો ત્વરિત વ્યવસ્થા થઇ શકે તે માટે આજે સાંજે કલેકટર કચેરી ખાતે રાજકોટ શહેરની વિવિધ સ્વૈચ્છીક સંસ્થાઓ સાથે મિટિંગ યોજવામાં આવનાર છે.

પેટ્રોલ-ડિઝલ તેમજ અનાજ-કિરાણા સહિતની ચીજ વસ્તુઓના સ્ટોક ઉપર બાજ નજર રાખવામાં આવી રહી છે. રેવન્યુ સ્ટાફની રજાઓ રદ કરાઇ છે અને હેડ ક્વાર્ટર નહીં છોડવા આદેશ કરાયો છે.

અત્રે ઉલ્લેખનીય છે કે ગઇકાલે રાજકોટ જિલ્લાના પ્રભારી સચિવ દ્વારા રાજકોટની મુલાકાત લઇ પરિસ્થિતિની સમીક્ષા કરવામાં આવી હતી તેમજ જરૂરી સૂચનાઓ જારી કરવામાં આવી હતી.