ઓપરેશન સિંદૂર દરમિયાન પાકિસ્તાનની હવાઈ સંરક્ષણ પ્રણાલી ખરાબ રીતે નિષ્ફળ ગઈ હતી. આ સંરક્ષણ પ્રણાલી ચીને પાકિસ્તાનને આપી હતી. ચીને પોતે સ્વીકાર્યું છે કે તેની વાયુ સંરક્ષણ પ્રણાલી એચકયુ-9B /એચકયુ-16 નિષ્ફળ ગઈ. ભારતની બ્રહ્મોસ મિસાઇલ ચીનની સંરક્ષણ પ્રણાલીથી આગળ નીકળી ગઈ. અહેવાલો અનુસાર, પાકિસ્તાની અધિકારીઓએ પણ આ અંગે ચીનને ફરિયાદ કરી છે. ચીનની વાયુ સંરક્ષણ પ્રણાલી અંગે સોશિયલ મીડિયા પર ઘણી પોસ્ટ શેર કરવામાં આવી છે. એવો દાવો કરવામાં આવી રહ્યો છે કે પાકિસ્તાની લશ્કરી અધિકારીઓએ ઓપરેશન સિંદૂર પછી ચીનને ફરિયાદ કરી છે. એચકયુ-9B /એચકયુ-1ના કામ ન કરવાને કારણે તેઓ ગુસ્સે છે, પરંતુ ચીન આ માટે બહાનું બનાવી રહ્યું છે. તેણે પાકિસ્તાનને કહ્યું કે આ વાયુ સંરક્ષણ પ્રણાલી બ્રહ્મોસ જેવી મિસાઇલ માટે બનાવવામાં આવી નથી. ઓપરેશન સિંદૂર દરમિયાન પાકિસ્તાનને ભારે નુકસાન થયું. ત્યારથી તે આઘાતમાં છે.

બ્રહ્મોસ વિશે ચીનમાં ખાસ લેખ પ્રકાશિત થયો

ચીનના જિલિંગ પ્રાંતમાં એક લેખ પ્રકાશિત થયો છે. એવો દાવો કરવામાં આવી રહ્યો છે કે ચીની કમ્યુનિસ્ટ પાર્ટી બ્રહ્મોસને ભારતીય સેનાનું ટ્રમ્પ કાર્ડ માને છે. આ તેનું સૌથી ખતરનાક શસ્ત્ર માનવામાં આવે છે. બ્રહ્મોસ અંગે, પાકિસ્તાને ચીનને જણાવ્યું છે કે તેની હવાઈ સંરક્ષણ પ્રણાલી મેક 3 ની ગતિથી મિસાઈલને અટકાવવામાં નિષ્ફળ ગઈ છે.ચીને સ્વીકાર્યું છે કે એચકયુ-9B /એચકયુ-16 વાયુ સંરક્ષણ પ્રણાલીઓ ભારતના બ્રહ્મોસ મિસાઈલને અટકાવવામાં સક્ષમ નથી. જિલિન પ્રાંતમાં પ્રકાશિત એક લેખમાં, CCP એ બ્રહ્મોસને ભારતીય સેનાના ટ્રમ્પ કાર્ડ હથિયાર તરીકે સ્વીકાર્યું છે.

બ્રહ્મોસ સામે એચકયુ-9B /એચકયુ-16 નિષ્ફળ જવાનું કારણ

રશિયાના એસ-300 અને અમેરિકાના પેટ્રિઅટ સિસ્ટમને જોયા પછી ચીને તેની હવાઈ સંરક્ષણ પ્રણાલી એચકયુ-9B બનાવી છે. તેને લગભગ તેની નકલ ગણી શકાય. એચકયુ-9Bની રેન્જ લગભગ 250 થી 300 કિલોમીટર છે. તે ક્રુઝ મિસાઇલો અથવા લાંબા અંતરના વિમાનોને નિશાન બનાવી શકે છે, પરંતુ માર્ક 3 ની ગતિએ ઉડતી મિસાઇલોને પણ ટ્રેક કરી શકતી નથી.એચકયુ-16 સાથે પણ આવી જ સમસ્યા છે. તેની રેન્જ ખૂબ જ ટૂંકી છે. તે લગભગ 40 થી 70 કિલોમીટરની રેન્જ ધરાવતી હવાઈ સંરક્ષણ પ્રણાલી છે.