દેવભૂમિ દ્વારકા જિલ્લા યુવા અને સાંસ્કૃતિક પ્રવૃતિઓની કચેરી દ્વારા સંચાલિત ચિલ્ડ્રન પેઈન્ટિંગ વર્કશોપમાં ભાગ લેવા માટે અરજી કરી શકાશે. આગામી સમયમાં મર્યાદિત 100 વિદ્યાર્થીઓ માટે દૈનિક બે કલાક માટેનું ચિલ્ડ્રન પેન્ટિંગ વર્કશોપ યોજાશે, જેમાં દેવભૂમિ દ્વારકા જિલ્લાના 6 થી 14 વર્ષ સુધીના બાળકો ભાગ લઈ શકશે. આ વર્કશોપમાં ભાગ લેવા ઇચ્છતી દેવભૂમિ દ્વારકા જિલ્લાની શાળા કે સંસ્થાઓએ ખંભાળિયામાં ધરમપુર વિસ્તારમાં આવેલા લાલપુર બાયપાસ માર્ગ પર જિલ્લા સેવા સદનમાં જિલ્લા યુવા અને સાંસ્કૃતિક પ્રવૃતિઓની કચેરી ખાતેથી નિયત નમૂનાનું ફોર્મ મેળવીને જરૂરી આધાર પુરાવા સાથે તા. 8 ઓક્ટોબરના બપોરે 2 વાગ્યા સુધીમાં અત્રેની કચેરી ખાતે મોકલી આપવાનું રહેશે. સમયમર્યાદા પુર્ણ થયા બાદ મળેલ અરજી સ્વીકારવામાં આવશે નહીં તેમ જિલ્લા યુવા વિકાસ અધિકારીની યાદીમાં જણાવ્યું છે.