જામનગર ના રણજીત સાગર રોડ પર પંપ હાઉસ નજીક કાર અને બાઈક વચ્ચેના અકસ્માતમાં બાઈક સવાર દંપત્તિ ઘાયલ થયું છે, અને સારવાર હેઠળ છે.

આ અકસ્માતના બનાવની વિગત એવી છે કે જામનગરમાં સુભાષ પરા વિસ્તારમાં રહેતા રાજેશકુમાર કાંતિલાલ સોલંકી ઉંમર વર્ષ ૪૮ કે જેઓ ગઈકાલે પોતાના બાઈકમાં પત્નીને બેસાડીને રણજીત સાગર રોડ પરથી પસાર થઈ રહ્યા હતા, જે દરમિયાન પંપ હાઉસ નજીક જીજે ૧૦ સી.એમ.૪૮૬૦ નંબરની કારના ચાલક રાજેશભાઈ પરમારે બાઈક ને ઠોકરે ચડાવતાં અકસ્માત સર્જાયો હતો, અને બાઈક સવાર દંપત્તિ ઘાયલ થયું હોવાથી જામનગરની સરકારી જી.જી. હોસ્પિટલમાં સારવાર અપાઇ છે. આ અકસ્માતના બનાવવા અંગે કારચાલક સામે પોલીસ ફરિયાદ નોંધાવાઇ છે.