શહેરમાં વ્યાજના વિષચક્રમાં ફસાયેલા યુવાને ફિનાઈલ પી આપઘાતનો પ્રયાસ કરતા સારવાર માટે સિવિલ હોસ્પિટલમાં ખસેડવામાં આવ્યો છે.
બનાવની મળતી વિગત મુજબ સ્પીડવેલ પાર્ટી પ્લોટ પાસે આયર્લેન્ડ સોસાયટીમાં રહેતાં જતીન ભુપેન્દ્રભાઇ દક્ષિણી (ઉ.વ.૨૭) નામના યુવાને રાત્રીના સાડા બારેક વાગ્યે ફિનાઇલ પી લેતાં સિવિલમાં ખસેડવામાં આવતા હોસ્પિટલ ચોકીના સ્ટાફે તાલુકા પોલીસને જાણ કરી હતી.
યુવક ગોવિંદરત્ન બંગલો પાસે પાનની દૂકાન ચલાવે છે, જતીન બે ભાઇમાં મોટો છે અને અને પત્નિ હાલ સગર્ભા છે. ભોગ બનનારના પિતા ભુપેન્દ્રભાઇ દક્ષિણીએ જણાવ્યું હતું કે, એકાદ વર્ષ પહેલા જતીનની નવજાત દીકરીને આંતરડાની તકલીફ હોવાથી સારવાર માટે પૈસાની જર પડતાં ઘનશ્યામ પાસેથી વ્યાજે નાણા લીધા હતાં. એ પછી જરિયાત મુજબ વધુ પૈસા કટકે કટકે લીધા હતા આમ કુલ પાંચેક લાખની રકમ સામે સામે વધુ પૈસા ચૂકવ્યા હતા આમ છતાં વ્યાજ માગતા અમે વ્યાજ ભરતાં હતાં. હાલમાં પુત્રવધુ સગર્ભા છે અને તેનું નિદાન કરાવતા રિપોર્ટ સારા આવ્યા નહતા આ ટેન્શનમાં પુત્ર જતીન કામ ધંધામાં ધ્યાન આપી શકતો ન હતો. જેથી વ્યાજની રકમ ન ચૂકવી શકતા ગઇકાલે તેને વાત કરવા માટે માયાણી ચોક પાસે બોલાવાયો હતો. આથી જતૈન પોતાનું સ્કૂટર લઇ ને ત્યાં જતા તેને કારમાં નાખી નાના મવા રોડ પર પપં પાછળ લઇ જઇ વ્યાજની ઉઘરાણી કરી મારકુટ ચાલુ કરી હતી. મોડે સુધી પુત્ર પરત ન આવતા ફોન કર્યા હતા બાદમાં કારમાં ઘર પાસે મુકી ગયા હતા. પુત્ર ધમકીના કારણે ગભરાઇ જતાં ફિનાઇલ પી લીધી હતી. આક્ષેપોના પગલે તાલુકા પોલીસના સ્ટાફે નિવેદન નોંધવા તજવીજ હાથ ધરી હતી.