રાજસ્થાનના સીકરમાં આજે બપોરે એક ભયાનક અકસ્માત થયો હતો. જિલ્લાના લક્ષ્મણ ગઢ વિસ્તારમાં લક્ષ્મણ ગઢ કલ્વર્ટ પર મુસાફરોથી ભરેલી ખાનગી બસ કાબૂ બહાર ગઈ હતી. થોડી જ વારમાં આ બસ પૂરપાટ ઝડપે કલ્વર્ટની દિવાલ સાથે અથડાઈ હતી. જેના કારણે બસનો ડ્રાઈવર સાઇડનો ભાગ ખરાબ રીતે ક્ષતિગ્રસ્ત થયો હતો. જણાવવામાં આવી રહ્યું છે કે આ બસમાં લગભગ 40 લોકો મુસાફરી કરી રહ્યા હતા, સૂચના મળતા જ પોલીસ ઘટનાસ્થળે પહોંચી હતી અને તમામ ઘાયલોને બસમાંથી બહાર કાઢ્યા અને તેમને સારવાર માટે લક્ષ્મણગઢ અને સીકરની હોસ્પિટલમાં દાખલ કર્યા. મૃતકોના મૃતદેહનો કબજો મેળવીને પોસ્ટમોર્ટમ માટે મોકલી આપવામાં આવ્યો છે.

પોલીસના જણાવ્યા અનુસાર અકસ્માતનું કોઈ નક્કર કારણ હજુ સુધી સામે આવ્યું નથી. જોકે, પોલીસ તેમના સ્તરે કારણોની તપાસ કરી રહી છે. સીકર પોલીસના જણાવ્યા અનુસાર આ દુર્ઘટના આજે બપોરે 2 વાગ્યાની આસપાસ બની હતી. કલ્વર્ટ પાસે હાજર રહેલા પ્રત્યક્ષદર્શીઓએ પોલીસને જણાવ્યું કે બસ અચાનક હલવા લાગી અને થોડી જ વારમાં બસ પૂરપાટ ઝડપે પુલની દિવાલ સાથે અથડાઈ. જેના કારણે બસનો આખો ડ્રાઇવર સાઇડનો ભાગ ખરાબ રીતે ક્ષતિગ્રસ્ત થયો છે.

આ અકસ્માત બાદ બસમાં બેઠેલા મુસાફરોમાં ફફડાટ ફેલાયો હતો. ઘટનાસ્થળે હાજર લોકોએ તુરંત જ પોલીસને મામલાની જાણ કરી હતી અને ઘટનાસ્થળે બચાવ કાર્ય શરૂ કર્યું હતું.