એમકેબી યુનિવર્સિટીના બી.એ. સેમેસ્ટર-૪ના પરિણામમાં ક્ષતિ મામલે યુની. ખાતે બંને  વિદ્યાર્થી સંગઠનોએ મોરચો માંડ્યો હતો.
મહારાજા કૃષ્ણકુમારસિંહજી ભાવનગર યુનિ. દ્વારા જાહેર કરાયેલા બી.એ. સેમેસ્ટર-૪ના પરિણામોમાં ક્ષતિ હોવાથી વિદ્યાર્થીઓને મોટાભાગના વિષયોમાં  નાપાસ કરવામાં આવ્યા હોવાનો આક્ષેપ એન.એસ.યુ. આઈ.ના વિદ્યાર્થી નેતાઓએ અને બી.એ. સેમેસ્ટર-૪ની પુરવણી કરીથી ચકાસવાની માંગણી સાથે એબીવીએ  સોમવારના રોજ ભાવનગર યુનિવર્સિટી ખાતે રજૂઆત કરી હતી. બી.એ. સેમેસ્ટર-૪ના પરિણામોમાં ક્ષતિ હોવાથી વિદ્યાર્થીઓને મોટા ભાગના વિષયોમાં વિદ્યાર્થીઓને નાપાસ કરવામાં આવ્યા છે. ગ્રેસિંગ પણ આપવામાં આવ્યું નથી.જેના અનુસંધાને ભાવનગર યુનિવર્સિટીના કુલપતિને રજૂઆત કરવામાં આવી હતી.  આથી કુલપતિએ વિદ્યાર્થીઓને રી એસેસમેન્ટ નિયમ અનુસાર કરાવવા અને જો પરિણામમાં સુધારો આવશે તો રી એસેસમેન્ટની ફી પરત કરવાની હૈયાધારણા આપી હતી. અને જો મોટાપાયે સુધારો જણાશે તો રેન્ડમલી ચેકિંગ હાથ ધરાશે તેમ પણ વધુમાં જણાવ્યુ હતુ.