બનાસકાંઠા જિલ્લાના સૂઈગામ અને વાવ તાલુકાના તમામ ગામોમાં તકેદારીના ભાગરૂપે આજે રાત્રે બ્લેકઆઉટ કરવામાં આવશે. જિલ્લા કલેક્ટર મિહિર પટેલે આ અંગે સૂચનાઓ જારી કરી છે અને તમામ નાગરિકોને અફવાઓથી દૂર રહેવા તેમજ વહીવટી તંત્ર દ્વારા આપવામાં આવતી સૂચનાઓનું પાલન કરવા અનુરોધ કર્યો છે.

કલેક્ટર દ્વારા આપવામાં આવેલી આ સૂચના પાછળનું ચોક્કસ કારણ હજુ સુધી સ્પષ્ટ કરવામાં આવ્યું નથી, પરંતુ તકેદારીના ભાગરૂપે આ પગલું લેવામાં આવ્યું હોવાનું માનવામાં આવે છે. સૂઈગામ અને વાવ તાલુકા સરહદી વિસ્તારો હોવાથી સુરક્ષાના કારણોસર આ નિર્ણય લેવાયો હોવાની શક્યતા છે.

તમામ ગ્રામજનોને આ સૂચનાને ગંભીરતાથી લેવા અને રાત્રે પોતાના ઘરોમાં જ રહેવા માટે કહેવામાં આવ્યું છે. કોઈપણ પ્રકારની અફવાઓ પર ધ્યાન ન આપવા અને શાંતિ જાળવવા માટે પણ અપીલ કરવામાં આવી છે. વહીવટી તંત્ર પરિસ્થિતિ પર ચાંપતી નજર રાખી રહ્યું છે અને જરૂર પડ્યે વધુ માહિતી આપવામાં આવશે.