માઈક્રોસોફ્ટના સહ-સ્થાપક બિલ ગેટ્સે ગ્રેટર સિએટલ વિસ્તારમાં પ્રથમ ભારત દિવસની ઉજવણીને ફ્લેગ ઓફ કરી હતી. આ દરમિયાન તેમણે વિવિધ ક્ષેત્રોમાં મહત્વપૂર્ણ નવીનતાઓ માટે ભારતને ગ્લોબલ લીડર ગણાવ્યું હતું.

સિએટલમાં ભારતના કોન્સ્યુલેટ જનરલના આમંત્રણ પર પહોંચેલા ગેટ્સે ટેક્નોલોજી, કૃષિ અને આરોગ્ય સંભાળમાં દેશની પ્રગતિની પ્રશંસા કરી હતી. તેમણે કહ્યું કે આ નવીનતાઓએ જીવન બચાવવા અને સુધારવામાં સકારાત્મક અસર કરી છે.

ઈવેન્ટની તસવીરો શેર કરતા ગેટ્સે કહ્યું કે ઈવેન્ટમાં હાજરી આપવી તેમના માટે સન્માનની વાત છે. ટેકનોલોજી, કૃષિ અને આરોગ્ય સંભાળ, જીવન બચાવવા અને સુધારવા જેવા ક્ષેત્રોમાં નોંધપાત્ર નવીનતાઓ સાથે ભારત ગ્લોબલ લીડર છે.

સિએટલમાં ભારત દિવસની ઉજવણીમાં વિવિધ ભારતીય સાંસ્કૃતિક વારસાનું જીવંત પ્રદર્શન દર્શાવવામાં આવ્યું હતું. દેશના વિવિધ રાજ્યો અને પ્રદેશોનું પ્રતિનિધિત્વ કરતી ટેબ્લો તેમજ સાંસ્કૃતિક પ્રદર્શન પ્રદર્શિત કરવામાં આવ્યા હતા, જેની થીમ વિવિધતામાં એકતા હતી.

સ્વતંત્રતા દિવસ પર એક કાર્યક્રમ દરમિયાન મેયર એરિક એડમ્સે ન્યૂયોર્કને અમેરિકાની નવી દિલ્હી ગણાવી હતી. તેમણે ભારતીયોની ભાગીદારીની પણ પ્રશંસા કરી હતી. તેમણે કહ્યું કે જ્યારે તમે બિઝનેસ માલિકો, આરોગ્ય વ્યાવસાયિકો, શિક્ષકોની સંખ્યા જુઓ છો, ત્યારે તે ભારતીય સમુદાયની સ્પષ્ટ હાજરી દર્શાવે છે.