હોળી પહેલા હિરોઈન ભાગ્યશ્રી સાથે એક મોટો અકસ્માત થયો છે. અભિનેત્રી એક ગેમ દરમિયાન ગંભીર રીતે ઘાયલ થઈ ગઈ હતી. જે બાદ તેમને તાત્કાલિક હોસ્પિટલમાં દાખલ કરવામાં આવ્યા હતા. જ્યાં તેમની સર્જરી કરવામાં આવી હતી. હોસ્પિટલમાંથી અભિનેત્રીની કેટલીક તસવીરો પણ સામે આવી છે.

View this post on Instagram

A post shared by Instant Bollywood (@instantbollywood)

રમત દરમિયાન ભાગ્યશ્રી સાથે મોટો અકસ્માત થયો

અભિનેત્રી ભાગ્યશ્રીની કેટલીક તસવીરો આ સમયે સોશિયલ મીડિયા પર વાયરલ થઈ રહી છે. આ તસવીરોમાં અભિનેત્રી હોસ્પિટલના બેડ પર સૂતી જોવા મળી હતી. તેના કપાળ પર ગંભીર ઈજા પણ થઇ છે. આ તસવીરો શેર કરતી વખતે કેપ્શનમાં લખ્યું હતું કે, 'ભાગ્યશ્રીનો દુર્ભાગ્યપણે પિકલ બોલ રમતી વખતે અકસ્માત થયો.' જેના કારણે તેના કપાળ પર ગંભીર ઈજા થઈ હતી. તેની સર્જરી થઈ અને 13 ટાંકા આવ્યા. આ સમાચાર બહાર આવ્યા પછી અભિનેત્રીના ચાહકો ચિંતિત છે.

ભાગ્યશ્રી હોસ્પિટલમાં સેલ્ફી લેતી જોવા મળી હતી

જોકે, ભાગ્યશ્રીની હાલત હાલમાં સ્થિર હોવાનું કહેવાય છે. તેની સર્જરી પણ થઈ ગઈ છે. હોસ્પિટલમાંથી બહાર આવેલી આ તસવીરોમાંથી એકમાં ભાગ્યશ્રી સેલ્ફી લેતી પણ જોવા મળી હતી. જેમાં અભિનેત્રીના કપાળ પર પાટો બાંધેલો છે. પણ તે દુઃખ ભૂલીને સ્માઈલ સાથે પોઝ આપી રહી છે. અભિનેત્રીની આ તસવીર જોઈને તેના ચાહકોએ પણ રાહતનો શ્વાસ લીધો છે.