મોટી સંખ્યામાં જોડાયા વૈષ્ણવો

સલાયા પાસે આવેલ બારા ગામે પ્રસિદ્ધ શ્રી જમુનેસ મહાપ્રભુજી ની બેઠક મુકામે શરદ પૂનમની રાતે ભવ્ય ધાર્મિક રાસોત્સવ યોજાયો હતો. જેમાં વર્ષમાં ફક્ત એક શરદ પૂનમની રાતે ઠાકોરજીના ચિત્રજીને બહાર ચંદ્રના અજવાળામાં પધરાવવામાં આવે છે. તેમજ દૂધ પૌહા અને મેવાનો ભોગ ધરવામાં આવે છે. આ પ્રસંગ વર્ષમાં એકવાર જ આવે છે કે ઠાકોરજીના ચિત્રજીને નિજ મંદિર બહાર પધરાવાય છે. બાદમાં ઠાકોરજી સમક્ષ કીર્તન સાથે ભાઈઓ અને બહેનો રાસ રમે છે. તેમજ ઠાકોરજીના ગુણગાન ગાય છે. અને રાત્રીના અંતે ઠાકોરજીના ધરાવેલ દૂધ પૌહાંનો મહા પ્રસાદ વૈષ્ણવો લઈ ધન્ય થાય છે. આ ધાર્મિક રીતે શરદ પૂનમનાં યોજાતા રાસોત્સવમાં મોટી સંખ્યામાં વૈષ્ણવો પધારે છે. ઠાકોરજીને સુંદર શણગાર અદા શ્રી કિશોર અદા દ્વારા કરવામાં આવે છે.