લેટરકાંડ અને ભાજપ સામે ભાજપની લડાઈથી છેલ્લા કેટલાક સમયથી રાજકીય ચર્ચાનું કેન્દ્ર બનેલા અમરેલી જિલ્લાનીચાર નગર પાલિકા લાઠી, ચલાલા, રાજુલા અને જાફરાબાદની સામાન્ય ચૂંટણી તેમજ અમરેલી પાલીકાની બે, સાવરકુંડલાની એક, દામનગરની બે વોર્ડની બેઠકો મળી કુલ પાંચ બેઠકો તેમજ મીઠાપુરના ડુંગરી તાલુકા પંચાયતની એક બેઠકની પેટાચૂંટણી યોજાઈ હતી જેનું આજે પરિણામ જાહેર થતા સ્થાનિક ચૂંટણીમાં રાજકીય મુદ્દાઓને અવગણી જનતાએ વ્યકિત વિશેષની સાથે ભાજપનું કમળ પસદં કરતા ચારેય પાલિકામાં ભાજપનો સ્પષ્ટ્ર બહત્પમતી સાથે વિજય થયો છે, ચલાલા, રાજુલા અને જાફરાબાદની તમામ બેઠકો ભાજપએ કબ્જે કરી કલીન સ્વિપ કરી છે. જાફરાબાદની ૨૮માંથી ૧૬ બેઠક બિનહરીફ જાહેર થઇ હતી. જયારે લાઠીમાં કુલ છ વોર્ડની ૨૪ બેઠકમાં ભાજપને ૧૮, કોંગ્રેસને ૫ અને એક અપક્ષને બેઠક મળી છે.
લાઠી નગરપાલિકા માટે ૬૧.૩૮ ટકા મતદાન થયું હતું. યારે જાફરાબાદ નગરપાલિકા માટે ૬૮.૯૬ ટકા મતદાન થયું હતું. તો બીજી તરફ રાજુલા નગરપાલિકા માટે ૫૫.૪૦ ટકા અને ચલાલા નગરપાલિકા માટે ૫૮.૧૧ ટકા મતદાન થયું હતું. એકંદરે ૭૫,૫૪૯ મતદારોમાંથી ૪૬,૩૧૦ મતદારોએ મતાધિકારનો ઉપયોગ કરતા ચારેય પાલિકામાં ૫૯.૭૨ ટકા સરેરાશ મતદાન થયું હતું. જયારે ત્રણ પાલિકાની પાંચ બેઠકો પર ૩૭.૨૦ ટકા અને તાલુકા પંચાયતની સીટ પર ૪૧.૩૯ ટકા સરેરાશ મતદાન થયું હતું