દામનગરમાં હીરાના કારખાનામાં કામ કરતા યુવકને ખુલ્લી જગ્યામાં માવો ખાવાના બહાને લઇ જય ત્રણ શખ્સોએ લાકડી અને લાતો વડે આડેધડ મારમારતા ઘવાયેલા યુવકને સારવાર માટે અમરેલી સરકારી હોસ્પિટલમાં ખસેડવામાં આવતા પોલીસે કાર્યવાહી કરી છે.
લાઠીના દહીંથરા ગામે રહેતા અને હીરાની મજૂરી કરતા વિજય હિઁમતભાઈ રાઠોડ (ઉ.વ.૨૯) નામના યુવકે અમરેલી સિવિલ હોસ્પિટલના બિછાનેથી પોલીસમાં નોંધાવેલી ફરિયાદમાં રણછોડ ઘોહાભાઇ રાનાણી, વિભા ભોપાભાઇ રાનાણી (બંન્ને રહે.દહિંથરા), લાલો લઘરાભાઇ (રહે.દામનગર) બુધા રાભડા (લાઠી) નું નામ આપ્યું છે. ફરિયાદમાં જણાવ્યું છે કે, ગઈકાલે સાંજે પાંચેક વાગ્યે કારખાનેથી પાન–માવો ખાવા બજારમાં જતો હતો ત્યારે બુધા રાભડા રસ્તામાં મળી જતા ચાલ માવો ખાવા જઈએ એમ કહેતા અમે માવો ખાવા ઉભા હતા ત્યારે ગામમાં જ રહેતો રણછોડ રાનાણી અને વિભા રાનાણી ત્યાં આવી મને કહેવા લાગ્યા હતા કે, તમારો ભાણો દહીંથરા આવી ને અમારા ભાઈની દીકરી સાથે લફં કયુ તો તું શું કામ દોઢ ડાયો થાય છે કહી ગાળો આપવા લાગ્યા હતા.
એટલામાં લાલો રિક્ષાવાળો પણ આવી જતા બધા ગાળો આપવા લાગ્યા હતા.
આથી ગાળો આપવાની ના પાડતા વધુ ઉશ્કેરાઈ જઈ લાકડી અને પાટાનો મારમારતા લોહી નીકળવા લાગ્યું હતું. વધુ મારથી બચવા ત્યાંથી ભાગીને કાકાના કારખાને જતો રહ્યો હતો. દરમિયાન રણછોડે ઉભો રે આજે તો તને મારી જ નાખવો છે કહી દોટ મૂકી હતી. મને ઇજા થવાથી પ્રથમ દામનગર અને ત્યાંથી વધુ સારવાર માટે અમરેલી સિવિલમાં લઇ ગયા હતા.  બનાવ અંગે દામનગર પોલીસે ચારેય શખ્સો સામે ગુનો નોંધી આગળની કાર્યવાહી હાથ ધરીછે.