પથ્થરની વંડી ગોઠવતા ગડુ ગામના યુવાન પર હુમલો

May 10, 2025 01:01 PM

ભાણવડ તાબેના ગડુ ગામના વાડી વિસ્તારમાં રહેતા મેરામણભાઈ રામાભાઈ ઓડેદરા નામના ૪૧ વર્ષના યુવાન તેમની વાડીના શેઢા ઉપર આવેલી પથ્થરની વંડીમાંથી પડી ગયેલા પથ્થરો ગોઠવી રહ્યા હતા. તે દરમિયાન આ જ વિસ્તારમાં રહેતા ખીમાભાઈ સામતભાઈ ભેટારીયા નામના શખ્સએ તેમની પાસે આવીને વંડીના પથ્થરો શા માટે ગોઠવે છે? તેમ કહીને બિભત્સ ગાળો કાઢી હતી.

આ પછી આરોપી ખીમાભાઈએ ફરિયાદી મેરામણભાઈના ઘરમાં વંડી ટપીને ગુનાહિત પ્રવેશ કરી, તેમના ઉપર લાકડાના ધોકા વડે હુમલો કરીને, જો હવે પછીથી તેઓ પથ્થરો ગોઠવશે તો તેમને જાનથી મારી નાખવાની ધમકી આપ્યાનું પોલીસમાં જાહેર થયું છે. જે અંગે પોલીસે ખીમાભાઈ ભેટારીયા સામે જુદી જુદી કલમ હેઠળ ગુનો નોંધ્યો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

પથ્થરની વંડી ગોઠવતા ગડુ ગામના યુવાન પર હુમલો

Recent News

Gujarat's No. 1 evening newspaper