જામનગરમાં હવે દિવાળી આવવાને માત્ર નવેક દિવસની વાર છે ત્યારે બજારોમાં રંગબેરંગી આકર્ષક વિવિધ કલરયુકત માટીના, મીણવાળા અને અલગ અલગ અવનવા દિવડાઓનું આગમન થઇ ચુકયુ છે, ગૃહ ઉધોગમાં બહેનો ખાસ કરીને દિવાળીના તહેવારોને અનુલક્ષીને ઘરની સજાવટ માટે આકર્ષક દિવડાઓ ઘરમાં મુકે છે, દિવાળીનો તહેવાર પ્રકાશનો તહેવાર છે, જીવનમાં વધુ પ્રકાશ આવે તે માટે લોકો દિવાળીના તહેવાર દરમ્યાન પોતાના આંગણામાં રંગબેરંગી રંગોળી બનાવીને તેના ઉપર આકર્ષક અવનવા દિવડાઓની સજાવટ કરે છે કયાંક બારણાના ગોખલામાં તો કયાંક અગાશીની પાળી ઉપર અને ઘરના મુખ્ય દ્વારા દિવાળીના તહેવારોમાં અવનવા પ્રકાશ પાથરતા દિવડાઓ મુકવામાં આવે છે. ા. 10 થી માંડીને ા. 500 સુધીના અવનવી ભાતવાળા દિવડાઓ બજારમાં ઉપલબ્ધ છે, ગામડાઓમાં તો માત્ર માટીના દિવાનો ઉપયોગ તેલ અને ઘી પુરીને કરવામાં આવે છે પરંતુ હવે તો મીણ જડેલા અને વિવિધ કલરના દિવડાઓ બહારગામથી પણ જામનગર વેચાણ માટે આવી ચુકયા છે. આમ દિવાળી આવે તે પહેલા જ પ્રકાશ ફેલાવતા દિવડાઓનું આગમન થઇ ચુકયુ છે.