રાજ્યની નગરપાલિકાઓ માં સામાન્ય , મધ્યસત્ર અને પેટા ચૂંટણી માટે અધિકારીઓની નિમણૂકના આદેશ થયા છે. જેમાં જામનગર જિલ્લા ની ત્રણ નગરપાલિકા નો સમાવેશ થાય છે.

ધ્રોલ નગરપાલિકાના વોર્ડ નંબર ૧ થી ૭  ની ચૂંટણી માટે ચૂંટણી અધિકારી તરીકે મદદનીશ કલેકટર પ્રાંત અધિકારી કચેરી ધ્રોલ અને મદદનીશ ચૂંટણી અધિકારી તરીકે મામલતદાર ધ્રોલ ની નિમણૂક કરવામાં આવી છે.

તેવી જ રીતે કાલાવડ નગરપાલિકામાં વોર્ડ નંબર ૧ થી ૭ ની ચૂંટણી માટે  પ્રાંત અધિકારી - જામનગર (ગ્રામ્ય)  અને મદદનીશ ચૂંટણી અધિકારી તરીકે મામલતદાર કાલાવડ ને જવાબદારી શબ્દોમાં આવી છે. જ્યારે જામજોધપુર નગરપાલિકામાં વોર્ડ નંબર ૧ થી ૭ ની ચૂંટણી માટે પ્રાંત અધિકારી લાલપુર અને મદદનીશ ચૂંટણી અધિકારી તરીકે જામજોધપુરનાં  મામલતદારની નિમણૂક કરવામાં આવી છે.