વિદેશી દારૂની ગેરકાયદેસર પ્રવૃતિમાં સંડોવાયેલ ભાવનગરના વધુ એક શખ્સને લોકલ ક્રાઇમ બ્રાન્ચે પાસા હેઠળ રાજકોટ જેલ હવાલે કર્યો હતો.
ભાવનગર લોકલ ક્રાઇમ બ્રાન્ચ દ્રારા અગાઉ વિદેશી દારૂની ગેરકાયદેસરની પ્રવૃતિઓમાં સંડોવાયેલ શખ્સ વિરૂધ્ધ પાસા અંગેની દરખાસ્ત તૈયાર કરી જીલ્લા મેજીસ્ટ્રેટ તરફ મોકલી આપવામાં આવેલ હતી.જે અંગે જીલ્લા મેજીસ્ટ્રેટ દ્વારા  પાસા દરખાસ્ત માન્ય રાખી પાસા વોરંટ ઇશ્યુ કરી  રાકેશ ઉર્ફે કાળુ પ્રવિણભાઇ ચાંચીયા (રહે. ઘંટીવાળો ખાંચો, વણકરવાસ, ઉત્તર કૃષ્ણનગર, ભાવનગર)ની અટકાયત કરી તેને પાસા હેઠળ રાજકોટ જેલ હવાલે કર્યો હતો.  
આં કામગીરીમાં  પોલીસ ઇન્સ. એ.આર.વાળા તથા સ્ટાફના હરગોવિંદભાઇ બારૈયા, ઘનશ્યામભાઇ ગોહિલ અને રવિરાજસિંહ ગોહિલ સહિતના જોડાયા હતા.