આસામના નાગાંવ જિલ્લામાં ગુરુવારે સાંજે ત્રણ શખ્સોએ એક માસૂમ બાળકને પોતાની હવસનો શિકાર બનાવ્યો. ધોરણ 10ની એક વિદ્યાર્થીની પર ત્રણ શખ્સોએ કથિત રીતે સામૂહિક બળાત્કાર ગુજાર્યો હતો અને તેને બેભાન કરીને છોડી દીધી હતી.

ટ્યુશન ક્લાસમાંથી પરત ફરી રહી હતી સગીરા

પોલીસે જણાવ્યું હતું કે, સગીરા સાંજે 6 કલાકે તેના ટ્યુશન ક્લાસમાંથી પરત ફરી રહી હતી ત્યારે ત્રણ શખ્સોએ તેનું અપહરણ કર્યું હતું. બાળકીને ગંભીર હાલતમાં હોસ્પિટલમાં દાખલ કરવામાં આવી છે.

ઘટનાની માહિતી મળતાં જ જિલ્લાના લોકોમાં ભારે રોષ જોવા મળી રહ્યો છે. નાગરિક સમાજ અને વિદ્યાર્થી સંગઠનોએ જ્યાં સુધી ગુનેગારો નહીં પકડાય ત્યાં સુધી અચોક્કસ મુદ્દતની હડતાળનું એલાન કર્યું છે.