અજાણ્યા વાહનના ચાલક સામે ફરીયાદ : ઓળખ માટે તજવીજ

જામનગર-કાલાવડ રોડ સપડા ગામની ગોળાઇ નજીક અજાણ્યા વાહનના ચાલકે ઠોકર મારતા અજાણ્યા આધેડનું ગંભીર ઇજા સબબ મૃત્યુ થયુ હતું. પોલીસ દ્વારા મૃતકની ઓળખ મેળવવા સહિતની તપાસ ચલાવવામાં આવી રહી છે.
જામનગર નજીક સપડા ગામની ગોળાઇ નજીકના રોડ પર ગઇકાલે અજાણ્યા વાહનના ચાલકે બેફીકરાઇ અને પુરઝડપે ચલાવી આશરે ૫૦ થી ૫૫ વર્ષના અજાણ્યા પુરુષને હડફેટે લઇ શરીરે નાની મોટી ઇજાઓ તથા માથાના ભાગે ગંભીર ઇજા પહોચાડી નાશી છુટયો હતો, દરમ્યાન અજાણ્યા પુરુષનું સારવાર દરમ્યાન મૃત્યુ નિપજયુ હતું.
આ અંગે પંચ-એના હેડ કોન્સ. ચંદુલાલ જાટીયા દ્વારા અજાણ્યા વાહનના ચાલક સામે ફરીયાદ નોંધી તેની તપાસ કરવામાં આવી રહી છે, મૃતક આધેડની ઓળખ મેળવવા માટે તપાસ લંબાવી છે.