રાજકોટ શહેર ક્રાઈમ બ્રાંચ દ્વારા કુખ્યાત બુકી રાકેશ ઉર્ફે રાકલા રાજદેવના ભત્રીજા આંગડિયા પેઢી સંચાલક તેજશ રાજુભાઈ રાજદેવ તથા પોપટ બંધુ અમિત ઉર્ફે મોન્ટુ ખમણ દીપકભાઈ તથા નિરવના માસ્ટર આઈડીમાં ચાલતા ક્રિકેટ સટ્ટાના પકડેલા રેકેટમાં રાજકોટ લોધીકા સંઘના પૂર્વ ડિરેકટર મહેશ આસોદરિયા સહિત જેતપુર, મોરબી, વાંકાનેર, સુરત, અમરેલી સહિતના 28 ખેલીઓના કરોડોના વ્યવહારો ખુલ્યા છે.
ક્રાઈમ બ્રાંચે ત્રણ દિવસ પહેલા સુકેતુ ભુતા, ભાવેશ ખખ્ખર, નિશાંત ચગને ક્રિકેટ સટ્ટામાં પકડી પાડયા હતા. ત્રણેના મોબાઈલમાં તેજશ રાજદેવની માસ્ટર આઈડી તેમજ અમિત તથા નિરવની આઈડી નીકળી હતી. હાલ તો આ ત્રણેય બુકીઓ ફરાર છે. પકડાયેલી ત્રિપુટીમાં ભાવેશ, નિશાંતનો 24 કલાક બાદ છૂટકારો થયો હતો. જયારે સૂકેતુ ભૂતાને થોડો તપાવાયો અને બે દિવસ બાદ ગુવારે સાંજે મુક્તિ મળી હતી.
મોબાઈલની તપાસ દરમિયાન ચેરિબેટ-9 ડોટ કોમ આઈડીમાં 19,98,32,642ની બેલેન્સ નીકળી છે જેમાં જેતપુરના પીન્ટુ, રાજકોટના ચંદ્રેશ, સંજય, ગુલુ, પિયુષ, પ્રથમેશ, જયેશ તેમજ સુરતના પીનકેશ વાણિયા, સંજય, અંકલેશ્ર્વરના સાજીદ, મોરબીના ગોરાંગ, અમરેલીના પરાગ તથા ડેમો, નિનાદ માંડલ નામના ટૂંકા નામો મળ્યા છે.
જયારે મેજીક એકસચેન્જ ડોટ કોમ આઈડીમાં 3,42,36,313ની બેલેન્સ છે. રાજકોટ-લોધીકા સંઘના પૂર્વ ડિરેકટર મહેશ આસોદરિયા કે જે અગાઉ પણ ક્રિકેટ સટ્ટામાં આવી ચૂકયો હતો તેનું ફરી નામ આઈડી બેલેન્સમાં નામ આવ્યું છે. આ ઉપરાંત સાવરકુંડલાના કિસાન, કુમાર, વાંકાનેરના રાજુ સોમાણી, રાજકોટના પ્રથમેશ, નિશાંત છગ, કે.કે., એલ.કે., રીભાઈ રાજુલા, તેલીભાઈ અમરેલી, ઈમરાન જતીન, પરાગ, પંકજના ટરૂંકા નામો મોબાઈલમાંથી નીકળ્યા છે.
રા.લો.સંઘના પૂર્વ ડિરેકટર મહેશ આસોદરિયા સહિત 28 ટૂંકાનામ ધારી ઈસમો આમ તો પોલીસની નજરમાં હોય જ કે પુરા નામો જાણતી જ હોય પરંતુ ઓફિસિયલી આ ટૂંકા નામો કોણ? તે પુરા નામ શોધીને આ 28 લાખેણા ઈસમોને તેડા મોકલાશે. તપાસ અને પૂછપરછના નામે તલમાં કેટલું તેલ છે તે ચકાસીને તપાસનું તેલ કાઢવામાં આવશેની ચચર્િ છે.અત્યાર સુધી ત્રણેય બુકીઓમાંથી એક પણ હજી પોલીસના હાથમાં આવ્યા નથી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationવડોદરા હિટ એન્ડ રન ઘટસ્ફોટ: રક્ષિત ચૌરસિયાએ ગાંજો પીને સર્જ્યો હતો અકસ્માત
April 04, 2025 09:12 PMજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMઘરે જ સ્ટીમ ફેશિયલથી મેળવો ચમકતી ત્વચા, નહિ રહે પાર્લરમાં જવાની જરૂર
April 04, 2025 05:06 PMCopyright © 2022-2023 Aajkaal Daily
Developed by Rhythm Infotech