અમેરિકામાં એવિયન ઈન્ફલ્યુએન્ઝાના ફેલાવાને કારણે પોલ્ટ્રી ફાર્મ ઘટી રહ્યા છે, જેના કારણે લાખો મરઘાંઓનો નાશ થયો છે અને ઈંડાના ભાવ પણ વધી ગયા છે. પરિણામે ગ્રાહકો વધુ સસ્તા અને ટકાઉ ઉકેલો શોધી રહ્યા છે. ઈંડાની વધતી કિંમત, જે ગયા વર્ષની સરખામણીમાં જાન્યુઆરીમાં ૧૫ ટકાથી વધી ગઈ છે, તેણે ગ્રાહકોને અન્ય વિકલ્પો શોધવા માટે પ્રેરિત કર્યા છે. ઈંડાના ભાવ પ્રતિ કાર્ટૂન સરેરાશ ૪.૯૫ ડોલર સાથે, કેટલાક બેકયાર્ડ ચિકન તરફ વળ્યા છે.
રેન્ટ ધ ચિકન નામની એક કંપનીએ જણાવ્યું હતું કે તેઓ છ મહિનાના ભાડાના ધોરણે મરઘાં પૂરા પાડે છે, જેનાથી લોકો લાંબા ગાળાના મરઘાં ઉછેરવાની પ્રતિબદ્ધતા વિના તાજા ઈંડાનો આનદં માણી શકે છે. દેશભરમાં ઘણી હેચરીઝમાં મરઘાંની માંગમાં વધારો થયો છે અને ઓકટોબરથી ચિકન ફીડનું વેચાણ બમણું થયું છે.
એક સ્વસ્થ મરઘી દર અઠવાડિયે પાંચ ઈંડા આપી શકે છે, જેના કારણે ભાડા પર ચિકન એક આકર્ષક વિકલ્પ બને છે. સરખામણીમાં, કરિયાણાની દુકાનમાંથી ઈંડા ખરીદવાનો ખર્ચ વાર્ષિક ૩૦૦ ડોલર સુધી થઈ શકે છે, કેટલાક શહેરોમાં ભાવ ૮ ડોલર અથવા તો ૧૦ ડોલર પ્રતિ ડઝન સુધી વધી રહ્યા છે.
ગયા વર્ષે ઈંડાના ભાવ લગભગ બમણા થઈ ગયા છે, જે બર્ડ લૂના પ્રકોપને કારણે પુરવઠાની અછતને કારણે હાઈ રેકોર્ડ પર પહોંચી ગયા છે. યુ.એસ. બ્યુરો ઓફ લેબર સ્ટેટિસ્ટિકસના અહેવાલ મુજબ ગયા મહિનાના કુલ ખાધ ખર્ચમાં ઈંડાના ભાવ લગભગ બે તૃતીયાંશ હતા, જે ફુગાવાની ચિંતામાં વધારો કરે છે.
રાષ્ટ્ર્રપતિ ડોનાલ્ડ ટ્રમ્પના ગ્રોસરીના ભાવ ઘટાડવાના વચનને ફટકો પડો છે. કારણકે ખાધ ખર્ચ સતત વધી રહ્યો છે, ઈંડાની અછત ફુગાવાના દબાણને વધુ ખરાબ કરી રહી છે.
યુ.એસ. ડિપાર્ટમેન્ટ ઓફ એગ્રીકલ્ચર (યુએસડીએ) એ આદેશ આપ્યો છે કે યારે એક પણ પક્ષી બર્ડ લૂ માટે પોઝિટિવ આવે ત્યારે આખા ટોળાને મારી નાખવામાં આવે. આ નીતિના કારણે ડિસેમ્બરમાં આયોવાના એક ફાર્મમાં ૪.૨ મિલિયન મરઘીઓ મારવામાં આવી હતી.
બર્ડલૂ ફાટી નીકળ્યા પછી ખેતરોને રિકવર થવા માટે મહિનાઓ લાગે છે, કારણ કે ઈંડા ઉત્પાદન ફરી શ થાય તે પહેલાં તેમને ચેપગ્રસ્ત પક્ષીઓનો નિકાલ કરવો, કોઠારને સેનિટાઇઝ કરવું અને નવી મરઘીઓ લાવવી પડે છે.
યુએસડીએ અનુસાર, ૨૦૨૨માં યુ.એસ.માં બર્ડ લૂનો ફેલાવો શ થયો ત્યારથી ૧૬૩ મિલિયનથી વધુ મરઘીઓ, ટર્કી અને અન્ય પક્ષીઓ વાયરસથી મૃત્યુ પામ્યા છે અથવા તેનો ફેલાવો અટકાવવા માટે તેમને મારી નાખવામાં આવ્યા છે.
ફકત જાન્યુઆરીમાં જ માર્ચ ૨૦૨૨ પછી સૌથી વધુ માસિક કુલ ૧૯.૫ મિલિયન ઈંડા આપતી મરઘીઓ મારવામાં આવી હતી.
યુ.એસ.માં ૩૪૦ મિલિયન વસ્તી સાથે દેશમાં પરંપરાગત રીતે માંગને પહોંચી વળવા માટે પ્રતિ વ્યકિત એક મરઘી રાખવામાં આવે છે. જો કે ૧ જાન્યુઆરી, ૨૦૨૫ સુધીમાં યુ.એસ.માં ફકત ૩૦૪ મિલિયન મરઘીઓ હતી, જે ગયા વર્ષ કરતા ૨ ટકા અને પાંચ વર્ષ પહેલા કરતા ૧૧ ટકા ઓછી છે.
આ બાબતે તાત્કાલિક રાહત દેખાતી નથી. વધુ અમેરિકનો બેકયાર્ડ મરઘીઓ ખરીદવા અથવા ભાડે લેવાનું વિચારી રહ્યા છે. યારે આ વલણ દેશવ્યાપી ઈંડાની અછતને હલ નહીં કરે પણ તે ગ્રાહકોને તાજા ઈંડા મેળવવા અને વધતા ભાવોને ટાળવા માટે એક સર્જનાત્મક રીત પ્રદાન કરે છે.