ભાવનગર શહેરના નારી ચોકડી નજીક ટ્રક પાછળ બાઈક ઘુસી જતા યુવાનને ગંભીર ઇજા પહોંચી હતી. સુરતથી ઉના બાઈક લઇને જતા રાજુભાઈ કરણભાઈ સવધારિયા (ઉ.વ.૨૪, રહે.una) ભાવનગર નારી ચોકડી પાસે પસાર થઇ રહ્યા હતા. તે દરમિયાન યુવાનનું બાઈક અકસ્માતે ટ્રકની અથડાયુ હતું. અકસ્માતમાં યુવાનને ગંભીર ઈજાઓ પહોંચી હતી. બનાવને પગલે લોકોના ટોળાં એકઠા થયા હતા. અને ૧૦૮ ને જાણ કરાતા યુવાનને ગંભીર હાલતે ભાવનગર સર ટી હોસ્પિટલ ખાતે સારવાર અર્થે ખસેડાયો હતો. બનાવ મામલે સર ટી હોસ્પિટલ પોલીસ ચોકી ખાતે નોંધ કરી વધુ કાર્યવાહી હાથ ધરવામાં આવી હતી.