ભાવનગર જિલ્લાના સિહોર તાલુકાના દેવગણા ગામે રહેતી પરણિતા વાડીમાં પ્રેશર મશીનનીચેથી ચણા લઈ રહી હતી તે વેળાએ તેના વાળ મશીનના પટ્ટામાં વીંટળાઈ જતાં તેને ગંભીર ઇજાઓ થતા સારવાર માટે હોસ્પિટલમાં ખસેડવામા આવતા તેનું સારવાર દરમ્યાન મોત નીપજ્યું હતું.
સિહોર તાલુકાના દેવગાણાના ભોજપરા વિસ્તારમાં રહેતા દર્શનાબેન કપીલભાઈ પંડ્યા (ઉ.વ.૩૦) દેવગાણા ખાતેની વાડીમાં ચણા પ્રેસરમાં લેવાના હોય તેથી પ્રેસર મશીન શરૂ હતું તે દરમિયાન મશીન નીચેથી ચણા લઈ રહ્યાં હતા ત્યારે તેમના વાળ પ્રેશર મશીનના પટ્ટામાં વિંટળાઈ જતાં તેમને માથાના ભાગે ગંભીર ઈજાઓ પહોંચતા સારવાર માટે હોસ્પિટલમાં ખસેડવામાં આવ્યા હતા. જ્યાં સારવાર દરમ્યાન તેનું મોત નીપજ્યું હતું. આ અંગે પોલીસે અકસ્માતે મોતની નોંધ લઈ મૃતદેહને પોસ્ટ મોર્ટમ અર્થે ખસેડવા સહિતની કાર્યવાહી હાથ ધરી હતી. ઘટનાના પપગલે દેવગણા ગામે શોક સાથે અરેરાટી પ્રસરી હતી.