છેતરપિંડીના આ બનાવની જાણવા મળતી વિગતો મુજબ, પડવલામાં રચના ઇન્ડસ્ટ્રીયલ એરિયામાં જલારામ એન્ટરપ્રાઇઝના નામે સ્ક્રેપની પેઢી ધરાવનાર નિમેશભાઈ ભુપેન્દ્રભાઈ લાખાણી (ઉ.વ 43) દ્વારા શાપર વેરાવળ પોલીસ સ્ટેશનમાં નોંધાવવામાં આવેલી ફરિયાદમાં આરોપી તરીકે નીરજ જયદેવભાઈ આર્યાનું નામ આપ્યું છે.

વેપારીએ ફરિયાદમાં જણાવ્યું છે કે, આરોપીની ઉત્કર્ષ ઈસ્પાત એલએલપીની ઓફિસ 150 ફૂટ રીંગ રોડ પર બિગ બજાર સામે ઇમ્પિરિયલ હાઇટ્સમાં આવેલી છે. જ્યારે તેનું યુનિટ બામણબોર જીઆઇડીસીમાં છે. વર્ષ 2018 થી ફરિયાદી આરોપીને લોખંડનો ભંગાર વેચે છે દર વખતે આરોપી બે ત્રણ દિવસમાં પેમેન્ટ આપી દેતા હતા.

ગઈ તા. 9/10/2024 ના આરોપીની કંપનીના મેનેજર ચિરાગ દવે ત્રણ ટ્રક ભંગાર મોકલવાનું કહેતા આ માલ મોકલ્યો હતો. જેના આરોપી પાસેથી રૂપિયા 13.04 લેવાના હતા. જે અંગે અવારનવાર ઉઘરાણી કરવા છતાં આરોપી ખોટા બહાના આપી આજદિન સુધી આ પેમેન્ટ કર્યું ન હોય જેથી અંતે વેપારીએ શાપર વેરાવળ પોલીસ સ્ટેશનમાં આ ફરિયાદ નોંધાવી હતી.