ચિરોડા પાટીયા પાસે એલસીબી ત્રાટકી : હથિયારો અને એકટીવા કબ્જે : હથિયાર સપ્લાયરની તલાશ

જામનગર એલસીબીની ટુકડી હથિયારધારાના કેશ શોધી કાઢવા પેટ્રોલીંગમા હતી દરમ્યાન જામજોધપુરના ચિરોડા પાટીયા પાસેથી જામનગરના સુભાષપાર્કમાં રહેતા એક શખ્સને પિસ્ટલ, રિવોલ્વર અને ૩ કાર્ટીઝ સાથે પકડી લીધો હતો, પુછપરછમાં આ હથિયાર સાધના કોલોનીના મુકલો સિંધી નામના શખ્સે આપ્યુ હોવાની વિગતો સામે આવતા તેની શોધખોળ કરવામાં આવી રહી છે. બીજી બાજુ પોલીસ દ્વારા આ અંગે વિધિવત ગુનો નોંધી પકડાયેલા શખ્સની સધન પુછતાછ હાથ ધરવામાં આવી હતી.
રાજકોટ રેન્જ આઇજી અશોકકુમાર યાદવએ પ્રોહી જુગાર તથા હથિયારધારા હેઠળના કેશોશોધી કાઢવા સુચના કરેલ હોય, જેથી જામનગર જીલ્લા એસપી પ્રેમસુખ ડેલુએ અસામાજીક પ્રવૃતિ કરતા ઇસમો ઉપર વોચ તપાસ રાખી દારુ જુગાર હથિયારધારા હેઠળના કેશો શોધી કાઢવા ઇન્ચાર્જ એલસીબી પીઆઇ બી.એન. ચૌધરીના માર્ગદર્શન મુજબ સ્ટાફના માણસો હથીયારધારા હેળના કેશો શોધી કાઢવા અંગે જરુરી વર્કઆઉટમાં હતા.
દરમ્યાન સ્ટાફના સંજયસિંહ વાળા, દીલીપભાઇ તલાવડીયા, હિતેન્દ્રસિંહ જાડેજા, કાસમભાઇ બ્લોચને મળેલ સંયુકત હકીકત આધારે આરોપી સુરેશ ઉર્ફે સુરીયો વિજય સોનારા રહે. સુભાષપાર્ક શેરી નં. ૩, રણજીતસાગર રોડ, જામનગરવાળાને જામજોધપુર તાલુકાના ચીરોડા ગામના પાટીયા પાસેથી લાયસન્સ પરવાના વગરની એક પિસ્ટલ કિ. ૨૫૦૦૦ તથા એક રીવોલ્વર કિ. ૧૦૦૦૦ તથા જીવતા કાર્ટીસ નંગ ૩ કિ. ૩૦૦ તથા એકટીવા જીજે૧૦ડીકયુ-૫૩૭૧ કિ. ૪૦.૦૦૦ મળી કુલ ૭૫૩૦૦ના મુદામાલ સાથે પકડી પાડયો હતો.
આરોપી સુરીયા વિરુઘ્ધ પો.હેડ કોન્સ હિતન્દ્રસિંહ જાડેજાએ ફરીયાદ નોંધી પીએસઆઇ આર.કે. કરમટાએ હથીયાર મુજબ કાયદેસરની કાર્યવાહી કરી હતી હથીયાર સપ્લાય કરનાર જામનગરના સાધના કોલોનીના મેઘરાજ ઉર્ફે મુકેશ ઉર્ફે મુકલો સીંધીને ફરાર જાહેર કરાયો હતો જેની શોધખોળ ચલાવવામાં આવી રહી છે.