મધ્યપ્રદેશ રાજ્યના અલીરાજપુર જિલ્લાના મૂળ વતની અને હાલ કલ્યાણપુર તાલુકાના લાંબા ગામે રહેતા મુકેશભાઈ ભાયલાભાઈ જમરા નામના 29 વર્ષના આદિવાસી શ્રમિક યુવાનને નાનપણથી જ ચક્કર આવવાની બીમારી હોય, દરમ્યાન શનિવારે એક આસામીની વાડીમાં આવેલા કુવામાંથી પાણી ભરવા જતી વખતે તેમને ચક્કર આવી જતા કુવામાં પડી ગયા હતા. અહીં તેમને તરતા આવડતું ન હોવાથી ડૂબી જવાના કારણે તેમનું મૃત્યુ નીપજ્યું હતું. આ બનાવ અંગેની જાણ ભાયલાભાઈ જમરા (ઉ.વ. 46) એ કલ્યાણપુર પોલીસને કરી છે.

અકાળ કારણોસર ગોરીયાળીના આધેડે ગળાફાંસો ખાધો

દ્વારકા તાલુકાના ગોરીયાળી ગામે રહેતા ઉકરડાભા હોથીભા માણેક નામના 50 વર્ષના આધેડે ગત રવિવારે મૂળવેલ ગામની સીમમાં આવેલા એક અવાવરું મકાનના પેઢીયામાં દોરડું બાંધીને કોઈ અકળ કારણોસર આપઘાત કરી લીધો હતો. આ બનાવ અંગેની જાણ મૃતકના પુત્ર દેવીસંગભા (ઉ.વ. 27) એ ઓખા મરીન પોલીસને કરી છે.