રાજકોટ સિવિલ હોસ્પિટલમાં દમ તોડ્યો: પરિવારમાં ગમગીની 

 નાવની પ્રાપ્ત વિગત મુજબ પોરબંદરના આદિત્યાણામાં રહેતા અર્જુનભાઈ પાંચાભાઇ કોડિયાતર (ઉ.વ.55) નામના આધેડ ગત તા.10ના સવારે મોટરસાઈકલ લઇને જતા હતા ત્યારે ભાણવડ તાલુકાના મોડપર ગામ પાસે પહોંચતા મોટરસાઈકલ આડે ભૂંડ ઉતરતા આધેડએ કાબુ ગુમાવી દેતા મોટરસાઈકલ સ્લિપ થવાથી રોડ પર પટકાતા માથા અને શરીરના ભાગે ઈજાઓ થઈ હતી  પ્રથમ ભાણવડ બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવતા તેનું ચાલુ સારવાર દરમિયાન મોત થયું હતું. બનાવ અંગે હોસ્પિટલ ચોકીના સ્ટાફે ભાણવડ પોલીસને જાણ કરતા પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી. બનાવથી પરિવારમાં શોક છવાયો છે.