શ્રીજી એપાર્ટમેન્ટના પાર્કિંગમાં પોલીસ પ્રગટી : એકની સંડોવણી

ખંભાળીયા નાકા પાસે શ્રીજી એપાર્ટમેન્ટ સી-વીંગના પાર્કિંગમાં એક શખ્સને ઇંગ્લીશ દારુની ૮ બોટલ સાથે પોલીસે પકડી લીધો હતો, દારુ આપનારનું નામ ખુલ્યુ હતું.
જામનગરના ખંભાળીયા નાકા નજીક આવેલ શ્રીજી એપાર્ટમેન્ટ સી વીંગ ફલેટ નં. ૨૦૩ ખાતે રહેતા વેપારી કરણ વિમલ કનખરા (ઉ.વ.૨૪) નામના શખ્સને ઇંગ્લીશ દારુની ૮ બોટલ સાથે એપાર્ટમેન્ટના પાર્કિંગમાથી સીટી-એ પોલીસે દબોચી લીધો હતો.
રેઇડ દરમ્યાન પકડીને પુછપરછ કરતા વિદેશી દારુની બોટલ શ્રીજી એપાર્ટમેન્ટ સી વીંગ ફલેટ નં. ૧૦૩માં રહેતા હાર્દિક વિરલ મંગી નામના શખ્સે પુરી પાડી હોવાનુ જણાવતા બંનેની સામે પ્રોહી મુજબ ફરીયાદ નોંધવામાં આવી હતી.