રાજકોટ સારવારમાં દમ તોડ્યો: કારણ જાણવા પોલીસે તપાસ હાથ ધરી

દેવભૂમિ દ્વારકા જિલ્લાના ખંભાળિયા પંથકની યુવતિએ ઝેરી દવા પી આપઘાત કરી લેતા પરિવારમાં અરેરાટી મચી જવા પામી છે.

પ્રાપ્ત વિગત મુજબ ખંભાળિયાના બજાણા ગામે રહેતી ભાવિશા રમેશગર અપારનાથી (ઉ.વ.18) નામની યુવતિએ ગત તા.10ના સાંજે ઘરે હતી ત્યારે ઝેરી દવા પી લેતા પ્રથમ જામ ખંભાળિયા બાદ જામનગર અને ત્યાંથી રાજકોટની ગિરિરાજ હોસ્પિટલ અને બાદમાં સિવિલ હોસ્પિટલમાં ખસેડવામાં આવતા ચાલુ સારવાર દરમિયાન દમ તોડી દીધો હતો. બનાવ અંગે હોસ્પિટલ ચોકીના સ્ટાફે જામ ખંભાળિયા પોલીસને જાણ કરતા પોલીસ સ્ટાફે રાજકોટ સિવિલ હોસ્પિટલએ પહોંચી જરૂરી કાર્યવાહી કરી આપઘાત પાછળનું કારણ જાણવા તપાસ હાથ ધરી છે.