જામજોધપુર તાલુકાના સતાપર ગામની સીમમાં આવેલી વાડીમાં બહારથી માણસો બોલાવી જુગાર રમાડવામાં આવી રહ્યો છે. જે બાતમીના આધારે જામજોધપુર પોલીસે દરોડો પાડી ત્રણ મહિલા સહીત નવ જુગારીઓને ઝડપી લઈ, મોબાઈલ, રોકડ અને બે કાર મળી ,૧૫.૮૯ લાખનો મુદામાલ કબ્જે કર્યેા હતો. દરોડા દરમિયાન વાડી માલીક અને તેની સાથેનો શખ્સ ભાગી જતા બંનેને ફરાર જાહેર કરી ગુનો નોંધવામાં આવ્યો છે.
પોલીસ સૂત્રોમાં નોંધાયેલી વિગત મુજબ જામજોધપુર તાલુકાના સતાપર ગામની સીમમાં બહાદુર ઉર્ફે ભલો કરશન પરમાર પોતાની વાડીએ માણાવદરના ઇન્દ્રા ગામના પ્રતાપસિંહ જસવતં સિંહ ડોડીયા સાથે મળી પોતાની વાડીમાં બહારથી માણસો બોલાવી પોતાના અંગત ફાયદા માટે નાલ ઉઘરાવી તીન પતીનો મોટો જુગાર રમાડી રહ્યો છે, જે ચોક્કસ બાતમીના આધારે જામજોધપુર પોલીસે દરોડો પાડી દેવાયત કુંભા આંબલીયા (રહે–હંજડાપર, તા.જામખંભાળિયા), રણજીતસિંહ દેવીસિંહ રાઠોડ (રહે–પટેલ કોલોની જામનગર), હરદાસ કરશન ડાંગર (રહે–બાલકૃષ્ણ નગર,માણાવદર), ધરમણ ઉકા જીલરીયા (રહે–આખા ગામ.તા.વંથલી), મિલન અશ્વિન ડવ (રહે–ગાયત્રી મંદિર પાસે માણાવદર), ઇબ્રાહિમ ઓસમાણ સાંધ (રહે–ટીકર ગામ, તા.વંથલી), હેતલબેન જગદીશ ગોસાઈ (રહે–માધવનગર,ઉપલેટા), સરોજબેન વિજયસિંહ જાડેજા (રહે–યોગેશ્વર ધામ, હાપા,જામનગર), જયાબેન કરશન વદર (રહે–રાણાવાવ)ને ઝડપી પાડી રોકડ, ૧,૦૮.૦૦૦, મોબાઈલ નંગ–૯, બે કાર મળી કુલ . ૧૫,૮૯,૦૦૦નો મુદામાલ કબ્જે કરી તમામ સામે ધોરણસરની કાર્યવાહી કરી હતી. દરોડા દરમિયાન જુગાર સંચાલક પ્રતાપસિંહ જસવતં સિંહ ડોડીયા અને વાડી માલીક બહાદુર ઉર્ફે ભલો કરશન પરમાર નાસી જતા બંનેની શોધખોળ હાથ ધરી છે.આ કાર્યવાહી જામજોધપુર પીઆઈ વાય.જે.વાઘેલાના માર્ગદર્શન હેઠળ પો.કોન્સ.નવલભાઈ આસાણી, મયુરસિંહ જાડેજા, કૃણાલભાઈ હાલા, દિલીપસિંહ જાડેજાની બાતમીના આધારે કરવામાં આવી હતી.