જીલ્લા એસપી પ્રેમસુખ ડેલુ તથા ડીવાયએસપી આર.બી. દેવધા દ્વારા દારુ જુગારની પ્રવૃતી નેસ્તનાબુદ કરવા સુચના આપી હતી.
જામજોધપુર પોલીસ સ્ટેશન સર્વેલન્સ સ્કોડના માણસો પેટ્રોલીંગમાં હતા દરમ્યાન પો.હેડ.કોન્સ વીરેન્દ્રસિંહ જાડેજા, પો.કોન્સ નવલભાઇ આસાણી, પો.કોન્સ. મયુરસિંહ જાડેજા, પો.કોન્સ મનહરસિંહ જાડેજાને સંયુકત રીતે બાતમી મળેલ કે, સફેદ કલરની બોલેરો પીકઅપ વાન નં. જીજે૧૫વાયવાય-૨૦૨૪માં કોઇ ઇસમ દેશી દારુનો જથ્થો લઇ સતાપર રોડ તરફથી બાલવા ફાટક આવી રહેલ છે તેવી હકીકત આધારે જામજોધપુર બસ સ્ટેન્ડ પાસે પટેલ સમાજથી બાલવા ફાટક તરફ જવાના રસ્તે વોચમાં રહી બોલેરોને પકડી પાડી દેશી દારુ આશરે ૧૨૦૦ લીટર કિ. ૨૪૦૦૦ તથા બોલેરો કિ. ૩.૫૦ લાખ, ૧ મોબાઇલ મળી કુલ ૩.૭૯ લાખનો મુદામાલ કબ્જે કરી પ્રોહી એકટ મુજબ ગુનો નોંઘ્યો હતો.  રાણાવાવના ખંભાળા ગામના પરબત ભીખા હુણને પકડી લીધો હતો જયારે ખંભાળાના કારુ ગાંગા મોરી, જસાપરના યોગેશ ભુપત વિશાણી નાશી છુટયા હતા.