દામનગરમાં સાંઈ કિલનિક નામથી દવાખાનું ખોલી દર્દીઓની સારવાર કરતો બોગસ ડોકટર પકડાતા કિલનિકમાંથી દવાનો જથ્થો સહીતના મેડિકલ સાધનો કબ્જે કરી પોલીસે ગુનો નોંધી કાર્યવાહી કરે છે.
પ્રા માહિતી મુજબ અમરેલી જિલ્લા આરોગ્ય અધિકારીને ફરિયાદ મળી હતી કે, દામનગરમાં ઓમ સાંઈ નામનું કિલનિક ચલાવનાર અને પોતાને ડોકટર કહેનાર શખસ પાસે કોઈ પણ જાતની મેડિકલ ડિગ્રી નથી એમ છતાં દર્દીઓની સારવાર કરી પૈસા લઇ રહ્યો છે. જે રજૂઆતના પગલે જિલ્લા આરોગ્ય અધિકારીએ લાઠી તાલુકા આરોગ્ય અધિકારીને આ બાબતે તપાસ કરવા માટે સૂચના આપતા તાલુકા આરોગ્ય અધિકારી, મેડિકલ ઓફિસર, ફાર્માસીસ્ટ સહિતની ટિમ દામનગર ખાતે પહોંચી પોલીસને સાથે રાખીને કિલકનીકમાં હાજર ડોકટર તરીકે સારવાર કરતા શખ્સનું નામ પૂછતાં પોતાનું નામ આસિફ આરીફભાઇ સૈયદ (ઉ.વ.૨૭–રહે શાખપુર તા.લાઠી)નો હોવાનું જણાવ્યું હતું. આરોગ્ય અધિકારીઓએ તેની પાસે પ્રાઇવેટ દવાખાનું ચલાવવા માટેના લાઇસન્સ કે સરકાર માન્ય એલોપેથી સારવાર કરવા માટેની ડિગ્રી માગતા તે ન હોવાનું જણાવતા માન્ય ડિગ્રી ન હોવા છતાં દર્દીઓની સારવાર કરવા ઉપરાંત બાયોવેસ્ટના નિકાલ માટેની પણ કોઈ વ્યવસ્થા ન હોવાનું સામે આવતા પોલીસે શખ્સની ધરપકડ કરી, દવાખાનામાં રહેલો દવાઓ અને મેડિકલ સાધનો કબ્જે કરી લાઠી પોલીસે બીએનસીની કલમ ૧૨૫ તથા ગુજરાત મેડિકલ પ્રેકટિસનર એકટ ૧૯૬૩ ની ક.૩૦, ૩૫ તથા ગુજરાત મેડિકલ કાઉન્સીલ એકટ ૧૯૬૭ ની ક.૨૯ તથા ઇન્ડિયન મેડિકલ કાઉન્સીલ એકટ ૧૯૫૬ ની ક.૧૫(૩) મુજબ તાલુકા આરોગ્ય અધિકારીની ફરિયાદ પરથી ગુનો નોંધી કાર્યવાહી કરી છે,
અત્રે ઉલ્લેખનીય છે કે, રાયમાંથી રોજ–બેરોજ આવા બોગસ ડોકટરો પકડાઈ રહ્યા છે પરંતુ આવા બોગસ ડોકટરો સામે કાયદાકીય કોઈ કડક કાર્યવાહી થતી ન હોવાથી તુર્તમાં જામીન પર છૂટીને ફરી પોતાની દુકાન શ કરી દઈ દર્દીઓના જીવ સાથે રમત રમી રહ્યા છે