શહેરમાં ફરી બાઈક સવાર સમળીએ દેખા દીધી હતી સ્પીડવેલ પાર્ટી પ્લોટ મેઈન રોડ પર વોકિંગ કરવા નીકળેલા પ્રૌઢાના ગળામાંથી સોનાની માળાની ચીલ ઝડપ કરી બાઈક બાઈક સવાર નાસી જતા પોલીસે સીસીટીવીની મદદથી તપાસ શ કરી છે. પ્રૌઢા નિવૃત શિક્ષિકા છે સાંજે આઠેક વાગ્યે ઘરેથી વોકિંગ કરવા નીકળ્યા હતા ત્યારે થોડે આગળ જતા જ પાછળથી બાઈક સવાર બેલડીએ પ્રૌઢાનું ગળું હળવું કયુ હતું.
મળતી વિગત મુજબ સ્પીડવેલ પાર્ટી પ્લોટ મેઈન રોડ પર ફોચ્ર્યુન વિવન્તા વાળી શેરીમાં રહેતાં નીતાબેન હસમુખભાઈ કાલરીયા (ઉ.વ.૬૦) નામના પ્રોઢાએ એ તાલુકા પોલીસ મથકમાં નોંધાવેલ ફરીયાદમાં જણાવ્યું હતું કે, મારા પતિનું ૧૭ વર્ષ પહેલા અવસાન થયેલ છે. તેઓને સંતાનમાં એક દિકરી છે, જેમના બે વર્ષ પહેલા મેરેજ થઈ ગયેલ ત્યારથી તેઓ એકલા જ રહે છે. તેઓ સરકારી શાળામા શિક્ષીકા તરીકે નોકરી કરતાં હતાં. હાલ બે વર્ષ પહેલા નિવૃત થતા નિવૃત જીવન જીવે છે.
ગઈકાલે સાંજના આઠેક વાગ્યાની આસપાસ નિત્યક્રમ મુજબ ઘરેથી સ્પિડવેલ ચોક તરફ વોકીંગ કરવા નીકળી હતી ત્યારે ફોરચ્યુન વિવાંતા એપાર્ટમેંટ સામેના મેઇન રોડ ઉપર પહોંચતા પાછળથી કોઈ અજાણ્યો બાઇક ચાલક આવી મારા ગળામા પહેરેલી સોનાની ડાયમડં વાળી માળા ઝુંટવી બાઈક હંકારી મુકયુંહતું. અને સ્પિડવેલ ચોક તરફ જતો રહ્યો હતો.
મેં દેકારો કરતા રાહદારી બાઈક ચાલક તેની પાછળ ગયા હતા પરંતુ પકડાયો ન હતો. પ્રૌઢાની ફરિયાદ પરથી પોલીસે ગુનો નોંધી આસપાસના સીસીટીવી ચેક કરી તપાસ હાથ ધરી છે