કર્ણાટકમાં એક મહિલાની તેના પતિની હત્યા કરીને તેની લાશને સળગાવવાના આરોપમાં ધરપકડ કરવામાં આવી છે. પોલીસ તપાસમાં તાજેતરમાં ખુલાસો થયો છે કે આરોપી, આ વ્યક્તિની બીજી પત્ની હતી, તેણે 8 કરોડની સંપત્તિ હડપી લેવા માટે પોતાના સાથીઓની મદથી આ ગુનાને અંજામ આપ્યો હતો. મહિલાએ તેના પતિની ગળું દબાવીને હત્યા કર્યા બાદ તેના મદદગારોની સહાયથી લાશને કોડાગુઆ લઈ ગઈ હતી અને ત્યાં સળગાવી નાખી હતી. પોલીસ પણ શરૂઆતમાં આ કેસ ઉકેલવા ભારે મથામણ કરી રહી હતી. સીસીટીવી ફૂટેજની કડીઓ પોલીસને હત્યારા સુધી દોરી ગઈ હતી અને આખી ઘટનાનો ભેદ ઉકેલાયો હતો. મૃતકની ઓળખ રમેશ તરીકે થઈ છે. તે તેલંગાણાનો વેપારી હતો.
કોડાગુમાં કોફી એસ્ટેટમાંથી એક અજાણી લાશ મળી આવ્યા બાદ 8 ઓક્ટોબરે આ ભયાનક ગુનાની તપાસ શરૂ થઈ હતી. પોલીસે રમેશની બીજી પત્ની નિહારિકાની ધરપકડ કરી છે, નિહારીકાએ તેના સહયોગીઓ ડોક્ટર નિખિલ, એક પશુચિકિત્સક અને અંકુર રાણાની મદદથી આ ગુનાને અંજામ આપ્યો હતો.મૃતદેહ મળ્યા બાદ, વિભાગે 16 અધિકારીઓની ચાર વિશેષ ટીમોની રચના કરી હતી જેમણે કેસની વધુ તપાસ કરી હતી.
તપાસના ભાગ રૂપે, અધિકારીઓએ સેંકડો કેમેરાના સીસીટીવી ફૂટેજની સમીક્ષા કરી, ગુનાના સમયે આસપાસના વિસ્તારમાંથી પસાર થયેલા વાહનોને ટ્રેક કયર્.િ
છેલ્લે, રમેશના નામે નોંધાયેલ લાલ બેન્ઝ, જે તાજેતરમાં ગુમ થયો હતો તે મળી આવ્યો હતો અને પોલીસે તેના તેલંગાણા સમકક્ષો સાથે મળીને રમેશ વિશે માહિતી એકઠી કરી હતી.વધુ તપાસ પર, શંકા નિહારિકા, તેના સહયોગી ડો. નિખિલ, એક પશુચિકિત્સક અને મિત્ર અંકુર રાણા પર કેન્દ્રિત થઈ. બાદમાં પોલીસ પૂછપરછ દરમિયાન નિહારિકાએ ગુનો કબૂલી લીધો હતો.
29 વર્ષની નિહારિકા તેલંગાણાના મોંગીર નગરની રહેવાસી છે. 16 વર્ષની ઉંમરે, તેણીએ તેણીની માતાને ગુમાવી દીધી હતી, નિહારિકાએ પછીથી યુવાનીમાં લગ્ન કયર્િ અને માતા બની, પરંતુ ચાલુ સમસ્યાઓના કારણે તેના લગ્ન છૂટાછેડામાં પરિણમ્યા .નિહારિકાએ શૈક્ષણિક રીતે ઉત્કૃષ્ટ દેખાવ કર્યો અને એન્જિનિયરિંગની ડિગ્રી મેળવી. કમનસીબે, તેણીના જીવનમાં ફરી ઉથલપાથલ આવી, જ્યાં તેણી નાણાકીય કૌભાંડમાં ફસાઈ , પરિણામે તેણીની ધરપકડ થઈ. એ સમય પૂરો કયર્િ પછી, તેણી બેંગ્લોર પરત આવી અને 2018માં રમેશ સાથે લગ્ન કયર્િ હતા.