ખંભાળીયા અને ભાણવડ તાલુકા પંથકમાં સમાજમાં દુષણ ફેલાવતા ૩ શખ્સોને ખંભાળીયા સબ ડીવીઝનલ મેજી. કે.કે. કરમટા દ્વારા ત્રણ જિલ્લામાંથી ૬ માસના સમય માટે તડીપાર કરવામાં આવ્યા છે.
ખંભાળીયા અને ભાણવડ તાલુકા પંથકમાં ગેરકાયદે રીતે દેશી દારુની બનાવટ કરી તેનુ વેચાણ કરવાની અને જાહેરમાં તેનુ સેવન કરી સમાજમાં દુષણ ફેલાવતા અને જાહેર કાયદો અને વ્યવસ્થા નિભાવવામાં બાધકરુપ બનતા ધારા પેથા સઠીયા રહે. હરસિઘ્ધીનગર તા. ખંભાળીયા, માંડા ગલા કોડીયાતર રહે. પાછતરડી તા. ભાણવડ, જીતેન્દ્રસિંહ ઉર્ફે જીતુભા નટુભા જાડેજા રહે. વેરડ તા. ભાણવડને ખંભાળીયા સબ ડીવીઝનલ મેજી. કે.કે. કરમટા દ્વારા દેવભુમી દ્વારકા, પોરબંદર અને જામનગર એમ ૩ જિલ્લામાથી ૬ માસના સમય માટે તડીપાર કરવામાં આવ્યા છે.