નગરપાલિકા પ્રમુખનાં રહેણાંકનાં વિસ્તારમાં જ 'ગંદકી રાજ'

યાત્રાધામ દ્વારકામાં વોર્ડ નં ૫ માં આનંદપરા વિસ્તારમાં નિયમિત ધોરણે સફાઇ ન થતી હોવાની રાવ સ્થાનિકો કરી રહ્યા છે. પ્રસ્તુત તસ્વીરમાં કચરાનાં ઢગ નજરે ચડે છે જે સ્થાનિકોની રાવને સાચી ઠેરવે છે.

અહી નિરમિત ધોરણે કચરા એકત્રિકરણનું કાર્ય ન થતુ હોવાનાં કારણે નિયમિત ધોરણે ગંદકીરાજ જોવા મળે છે. ડિજીટલ ઇન્ડીયાનાં યુગમાં ટેક્નોલોજીનાં માધ્યમથી પણ સ્થાનિકોએ રજૂઆતો કરી છે.

આ મુદ્દે ઓનલાઇન ફરીયાદો નોંધાવવા છતાં કોઈ કાર્યવાહી થતી નથી ત્યારે આ ડિજીટલ સેવાઓ પણ ખાલી નામ પૂરતી જ હોય એવું ફરી એક વખત સાબિત થઇ રહ્યુ છે.

ઉલ્લેખનીય છે કે આ વિસ્તારમાં જ નગરપાલિકા પ્રમુખનું નિવાસ સ્થાન છે. એટલે કે સ્થાનિક સત્તામંડળનાં મોભીનાં ઘર પાસે જ 'ગંદકી રાજ' જોવા મળી રહ્યુ છે એ તંત્ર કેવી કામગીરી કરે છે તેની 'દુર્ગંધયુક્ત' ચાડી ખાય છે