ભારત અને પાકિસ્તાન વચ્ચેના યુદ્ધવિરામનો શ્રેય લેનારા અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે પાંચ જ દિવસમાં પોતાના નિવેદનથી પલટી મારી છે. 10 મેના રોજ તેમણે સોશિયલ મીડિયા પર પોસ્ટ કરીને યુદ્ધવિરામ કરાવવાનો દાવો કર્યો હતો, પરંતુ આજે તેમણે કહ્યું કે તેમણે યુદ્ધવિરામ કરાવ્યું નથી, માત્ર મદદ કરી હતી.

ટ્રમ્પે શરૂઆતમાં યુદ્ધવિરામનો શ્રેય લેતા કહ્યું હતું કે તેમની દરમિયાનગીરીથી જ બંને પક્ષો શાંતિ માટે તૈયાર થયા હતા. જો કે, આજે તેમણે પોતાના નિવેદનમાં ફેરફાર કરતા કહ્યું કે તેમણે માત્ર વાતચીત દ્વારા યુદ્ધવિરામ માટે મદદ કરી હતી. ટ્રમ્પના આ યુ-ટર્નથી રાજકીય વર્તુળોમાં આશ્ચર્ય ફેલાયું છે.

ટ્રમ્પના આ નિવેદનથી સ્પષ્ટ થાય છે કે યુદ્ધવિરામમાં તેમની ભૂમિકા અંગે હજુ પણ અસ્પષ્ટતા છે. કેટલાક રાજકીય નિષ્ણાતો માને છે કે ટ્રમ્પે શરૂઆતમાં શ્રેય લેવાનો પ્રયાસ કર્યો હતો, પરંતુ વાસ્તવિકતા સામે આવતા તેમણે પોતાનું નિવેદન બદલવું પડ્યું. ટ્રમ્પના આ યુ-ટર્ન પર અનેક સવાલો ઉભા થયા છે.