દ્વારકાધીશ પદયાત્રા સેવા સંઘ દ્વારા દર વર્ષે ફૂલડોલ મહોત્સવમાં દ્વારકા જતાં પદયાત્રીઓની સેવા અર્થે કેમ્પનું આયોજન કરવામાં આવે છે, જેના ભાગરુપે સતત રપ માં વર્ષે તા. ૧પ/૦૩ થી ૨૩/૦૩ સુધી સેવાકીય કેમ્પનું આયોજન કરવામાં આવ્યું છે. ખંભાળીયાથી પાંચ કી.મી.ના અંતરે ખોડિયાર મંદિર પાસે ગઇકાલથી આગામી તા. ર૩ માર્ચ સુધી પદયાત્રીઓ માટે સેવાકીય કેમ્પ શરુ કરવામાં આવ્યો છે, જેમાં ર૪ કલાક પ્રાથમિક સારવાર, ભોજન, ચા-પાણી, નાસ્તો અને રાત્રિ રોકાણ જેવી સુવિધાઓ નિ:શુલ્ક ઉપલબ્ધ કરવામાં આવી છે, આ કેમ્પને સફળ બનાવવા અશોકભાઇ કાનાણી તથા તેની સમગ્ર ટીમ જહેમત ઉઠાવી રહી છે.