રાજકોટની નિહિત બેબી કેર સહિત સાત હોસ્પિટલ સસ્પેન્ડઆરોગ્ય વિભાગે તપાસ કરીને પીએમજેએવાય યોજનામાં ગેરરીતિ કરતી ૭ હોસ્પિટલને સસ્પેન્ડ કરી છે. આ સાથે આવી હોસ્પિટલમાં સેવા આપતા સ્પેશ્યાલિસ્ટ તબીબોને પણ સસ્પેન્ડ કર્યા છે. રાજકોટ સુરત, વડોદરા, અને ગીર સોમનાથની એક એક અમદાવાદની ખ્યાતિ હોસ્પિટલ સહિત ૩ હોસ્પિટલ એમ કુલ ૭ હોસ્પિટલને સસ્પેન્ડ કરાઇ છે. ઉપરાંત આ સાથે જ ડો. પ્રશાંત વજીરાણી સહિત ૪ સ્પેશ્યાલિસ્ટ તબીબોને પણ સસ્પેન્ડ કર્યા છે
રાજકોટની નિહિત બેબી કેર ચિલ્ડ્રન હોસ્પિટલ, ગીર સોમનાથની જીવન યોતિ આરોગ્ય સેવા સંઘ, અમદાવાદની નરીત્વ ટર્નિગ પોઇન્ટ હેલ્થ કેર પ્રા. લી, અમદાવાદનની શિવ હોસ્પિટલ, સનસાઇન ગ્લોબલ હોસ્પિટલ, ખ્યાતિ હોસ્પિટલ, વડોદરાની સનસાઇન ગ્લોબલ હોસ્પિટલ સસ્પેન્ડ કરાઈ છે.
અમદાવાદની ખ્યાતિ હોસ્પિટલની બેદરકારી સામે આવ્યા બાદ પીએમજેએવા યોજના હોસ્પિટલ્સ દ્રારા આચરવામાં આવી છેતરપિંડી સામે આવી છે. હોસ્પિટલ્સ ખોટી રીતે ઓપરેશન કરી તબીબોની માહિતી પીએમજેએવા યોજનામાં અપલોડ કરતી હતા અને સરકાર પાસેથી પિયા ખંખેરતી હતી. જો કે ઘટના બાદ આરોગ્ય વિભાગ સતર્ક થયું છે.
ખ્યાતિકાંડમાં ચોકાવનારો ખુલાસો થયો છે કે, સાણંદ, ગાંધીનગર અને મહેસાણા જીલ્લો ખ્યાતિ હોસ્પિટલના ટાર્ગેટ પર રહ્યા હતાં. આ જ વિસ્તારમાં મફત મેડિકલ કેમ્પ યોજીને દર્દીઓને ખ્યાતિ હોસ્પિટલમાં લાવવામાં આવતાં હતાં. એટલુ જ નહીં, દર્દીઓની જાણ બહાર સ્ટેન્ટ નાંખીને પીએમજેવાયએ યોજના હેઠળ નાણાં મેળવી લેવાતા હતા. ચોંકાવનારી વાત તો એછેકે, દર્દીઓને સ્ટેન્ટ નાખનાર ડો.પ્રશાંત વજીરામી તો માત્ર પ્યાદુ રહ્યું છે પણ અસલી વિલન તો હોસ્પિટલના સંચાલક છે. જે ડોકટરોને ટાર્ગેટ આપીને નિર્ધારિત સમયમાં હાર્ટ સર્જરી કરવા દબાણ કરતા હતા